Tepiştoxî: Ma do tecrîd bişiknî 

2020-12-04 14:58:32


	 

	STENBOL- Tepişteyê cinî yê Zîndanê Padaye yê Gebze dîyar kerdî ke gardîyanan bi bahaneya gêrayîşê qawuşan janê korona vilayê tepişte û qawuşan kerdî û vatî; “Ma do tecrîd bişiknî û ser bikewî.”

	 

	Tirkîya ke binpaykerdişê heqan her tim zêdîyeno de badê serreke û nême ra dima reyna grêvê vêşanîye rojdem de yê. Tepişteyanê PKK û PAJKî semedê baleantişê serê tecrîdê Rayberê PKKyî Abdullah Ocalanî û binpaykerdişanê heqan 27ê Teşrîna Peyêne de xeylê zindanan de çalakîya grevê vêşanîye yê bêdem û biagêrayîşî dayî destpêkerdene. Seba ke rîyê pandemî ra pêvînayîşê avûkat û keyeyan yeno astengkerdene nîno zanayene ke çend zîndanan de çend kesî grev de yê. Derheqê babete de tepişteyî dîyar kenê ke pandemî vera cayê wertax ê tepişteyan nînê xebetnayene û têkilîya qawuşan yenê astengkerdene. 

	 

	Dest ronîyayo çîyê taybetîyê tepişteyan

	 

	Heto bîn de ame vatene ke gardîyanî bi qerarê 2. Hakimîya Cezaya Sulhî ya Kocaelî eştî 4 qawuşan sero û sereştiş de bi grubeka 40 kesan ameyo kerden. Dest ronîya eşyayanê taybet ê tepişteyan sero. Sereştiş de dest ronîyayo rojnuşte, album, kitab û pêroyê notê tepişteyanê ke bi serran o zindan de yî. 

	 

	‘Ma do tecrîd bişiknî’

	 

	Tepişteyî vatî ke sereştişê qawuşan semedê vilakerdişê vîrusê korona ameyo kerdene û veng dayî rayapêroyî: “Ma demêko zaf zor û zehmetin ciwîyenê. La ma nêeşkenê vengê xo bidî eşnawitene. Ma do tecrîd bişiknî. Ma do heta peynî grevê vêşanîye dewam bikerî.”