'Şaredarî de êdî nameyê cinîyan nêmendo'

2020-12-03 15:31:01


	 

	Meydya Uren

	 

	MÊRDÎN - Hemşaredara Şaristanê Girdî ya Mêrdînî ke vera ci qeyûm ame tayînkerdene, Fîgen Aldindag dîyar kerd ke bi ameyîşê qeyûmî dir pêro projeyê cinîyan ameyî vindarnayene û va: "Şaredarî de êdî nameyê cinîyan nêmendo." Mudura Îdarekara Xizmetê Cinîyan û Keyeyî Gulîzar Îpek zî dîyar kerd ke polîtîkayê ke cinîyan çin hesibnenê yenê awankerdene.

	 

	Netîceyê weçînayîşê herêmî yê 31’ê adara 2019 de HDPyî 8 şaristanî ke înan ra 3 ci pîl ê, 50 qeza û 12 bajarok  qezenc kerd. La bi sebebê KHK’yî mazbatayê 6 hemşaredaran nêame dayene, 4 hemşaredarî ameyî îxrackerdene. 19 tebaxa 2019 de bi sebebê hemkarîya rêxistine yeno kerdene, qayûm tayînê 3 şarsitanê pîl yê Amed, Mêrdîn û Wanî kerdî. Verê ke dem derbaz bibo, qayûm tayînê 48 şaredariyê HDPyî bîn kerdî. Nika tena 6 şaredarî destê HDPyî de estê.

	 

	Karê yewin ê qayûmî îxraçkerdişê karkeran bi. Senîn ke hêriş serê sîstemê hemserekî ame kerdene, bi eynî rengî komeleyê cinîyan ameyî padayene û vera înan camêrdî ameyî tayînkerdene. Mêrdîn de dimayê ke qayûm ame tayînkerdene destpêk de Abdulrahman Şahîn berpirsîyar ame tayînkerdene. Abdulrahman ame serê karî û îdarekarî ame vurnayene, hûmara xebatanê cinîyan kêm kerd. dimayê ke qayûm ame tayînkerdene, heta nika hedîseyê sey; bêusulî, rûşvet, hemverê cinîyan mobîng û tacîz rojeve de yê. Goreyê zanayîşê ke ma rîpelê fermî yê şaredarî û cayê herême ameyî girewtene, derheqê cinîyan de tu xebat nêameyê kerdene.

	 

	'Şaredarî de seba cinîyan karêk nîno kerdene'

	 

	Hemşaredara Şaristanê Girdî ya Mêrdînî ke vera ci qayûm ame tayînkerdene Fîgen Aldindag, bale ant serê rewşa bîyayee û va: "Yeno zanayene ke rejîmê îqtîdarî bîyayîşê xo serê; talan, îmha û înkarkerdişê cinîyan awan kerdo û amancê ci her wext desteserkerdişê destkewtişê cinîyan o. Nameyê bîn yê sîstemo ke hêrişê destkewtişê cinîyan keno qayûm o. Wexto ke ma ewnîyenê metodê qayûmî bikerê, ma vînenê ke polîtîkayê vindîkerdişê destkewtişê cinîyan yeno rayberdene. Verê ke qayûm bêro tayînkerdene, xeylêk projeyê ma yê îstîhtamkerdişî cinîyan bî. Bi qayûmî dir projeyê ma nimcet mendî. Bi serê qayûmî dir serrêk derbaz bi û la heta nika seba cinîyan xebatêk nêame kerdene. Qayûm seba şarî kar nêkeno. Nika seba cinîyan projeyêk çin o. Şaredarî de êdî nameyê cinîyan nêmendo."

	 

	'Cinîyan çin hesibnenê'

	 

	Mudura Îdarekara Xizmetê Cinî û Keyeyî Gulîzar Îpek zî dimayê ke qayûm ame tayînkerdene kar ra ameye eştene. Gulîzare wina va: "Komeleyê cinîyan ke îdarekarîyê ci nika camêrdî kenê, nêeşkenê cinîyan rê xizmet bikerê. Lazimîyê cinîyan nêzanê. Seba cinîyan projeyan pêşkêş nêkenê. Nê polîtîkayê ke cinîyan çin hesibneno yo. Bi qasê serrêk şaredarî de xebatêke seba cinîyan nêameya kerdene. Kesê ke îdarekarî de ca gênê heme camêrd ê. Xora ma tu çîyêk umîd nêkenê. No çi çîyêk bi zanebîyayîş ameyo kerdene yo."