‘Çeteyan keyeyê mi talan kerdî û mi ra girewtî’ 2020-11-30 14:02:36   Sara Şêx Hesen    HELEB - Cinîya bi nameyê Emîne Sîdo seba hêrişê dewleta tirkî û çeteyê ci Efrîn de verê xo dayî Heleb, derheqê hedîseyê ke ci dir rî bi rî menda wina vana: “Keyeyê mi talan kerdî, hacetanê ma diznayî û keyeyê ma, ma ra girewtî. Ganî ma xo bikerê yew û Efrînê xo destê çeteyan ra xelas bikerê.”   Roja ke dewleta tirkî Efrîn îşxal kerda, îhlalkerdişê heqî yê hemverê welatijê Efrînî peynî nêbenê. Roja ke Efrîn ameyo îşxalkerdene bi desan keyeyî kerdişanê înan rê xo ver danê û koç kenê. Cinîya bi nameyê Emîne Sîdo (55) zî yew nê cinîyan ra ya ke seba caardişê xiraban Efrîn ra bi keyeyê xo dir koç kerda û ameya Taxa Şêx Meqsûdî yê şaristanê Helebî de bi ca bîya. Emîne derheqê caardişê ke rast ameya qalî kerd.   ‘Keyeyê mi talan kerdî û hacetê ma diznayî’   Emîne destpêkê qiseykerdişê xo de bale ant serê zulm û zordarî ke welatîyê Efrînijî ci ra derbaz benê û wina va: “Gama ke Efrîn ame îşxalkerdene, ma dewe xo de mendî. Dima ra çeteyî kewtî dewa ma û ma bi zor keye ra vetî. Ma verê xo da dewa Marata ke girêdayê Efrînî ya. Ez û mêrdeyê xo ma verê merdimanê xo de mendî. Mêrdeyê mi nêweş bi û lazim bi ke ez ey her roje berî nêweşxane. Zordarî Efrîn de zêde yo, cinî û ciwanan tepişnenê, îşkence kenê û kişenê. Keyeyê ma talan kenê. Çeteyan keyeyê ma zî talan kerd. Welatijê Efrînî berardişê xo yê ke ramitiş zî nêeşkenê arêdê û çete pêrûne derbazê Tirkîya kenê. Bi kerdiş û çekê xo, xo bi hêz vînenê, la zereyê xo de pêro merdimê veng ê û bi pereyan ameyê girewtene.”   ‘Ganî ma destê xo bikerê yew û Efrînê xo xelas bikerê’   Emîne tewr peyîn qiseykerdişê xo de vengdayîşê ke demêk nêzdî de wa Efrîn bêro xelisnayene kerd û va: “Ma wazenê Efrîn demê xo yê verê bêro açernayene û çeteyê ke Efrîn de yê bêrê vetene. Ha ma Efrîn ra vejîyayî, ez nêweş bîya û mi nêwaştêne ke ez fek keyeyê xo ra vera bidî. Ma wazenê ageyrê. Ganî ma pêro destê xo bikerê yew û Efrîn xelas bikerê ke ma sey verê azad û xelisnayene biciwîyê.”