Televîzyonê Cinîyan: Jin TV 

2020-11-29 15:36:54


	 

	Nişmiye Guler

	 

	MERKEZÊ XEBERAN - Quncikê Medya Krîtîkî yê nê hewtî de ma do  Jin TV ke hemverê medyaya camêrdan vejêno û têkoşînê azadî aver beno gêno dest.

	 

	Seba vîrusê koronayî (Covîd-19) komel bi qedexeyê ke ameyî îlankerdene dir keye de ameyo hepskerdene. Nê dir şîdetê cinîyan û qirkerdişê cinîyan zî zêde bi ke na rewşe ra medya û hukmat zî berpirîsyar ê. Quncikê xo yê Medya Krîtîk de ma no hewte Jin TV ke hemverê medyaya şîdetî rêz keno, heqê vatişî nêdano cinîyan û hemverê nê cinîyan sucdar keno, têkoşîn keno girewt dest.

	 

	Televîzyonê cinîyan 

	 

	Jin TV, 8ê Adara 2018 de bi sloganê "Vengê Cinî Rîyî Ciwîyayîşî" Ewropa de dest bi weşan kerd. Jin TV seke Nuştoxa Feminîst Vîrgînîa Woolf vano, "Odayêke aîdê xo" ramojna ke ganî cinî pêro wareyê ciwîyayîşî de ca bigîrê. Jin TV ke weşanê xo vakurê Kurdistanî, Vakur û Rojhelatê Surîye, Kurdistano Federal, rojhelatê Kurdistan û Tirkîye seba weşanê xo merkez vîneno û Ewropa de weşan keno, seke nameyê xo ra yeno zanayene, TV yê cinîyan o û heme xebatkarê ci cinî yê. Jin TV ke roja dest bi weşan kerdo, xîtabê cinîyê temamê dinya keno demêk kilm de bala her kesî ant serê xo. Jin TV hemverê medyaya camêrdan, heme bernameyê xo de cinîyan esas gêno.

	 

	Hemverê cinsperestî vejêno

	 

	Jin TV 2'yê Teşrîna peyêne de dest bi weşanê xo yê newe kerd, bi bernameyê xo yê tewir bi tewir zî bala temaşekerdoxan anceno xo ser. Jin TV ekolojî, heta bi bernameyê domanan û sîyaset ra heta bi aktîvîteyê kulturî, bi lehçeyê Kurdî, Erebî û Tirkî weşan keno. Televîzyono ke bi xeylêk ziwanan weşan keno, amancê ci yê sereyîn oyo ke hemverê cinsperestî bibo merkezek.

	 

	Perwerdeyê bi kurdkî

	 

	Televîzyon sewbîna Kobanê de zî seba domanan, merkezê Kobanî de bernameyêk taybet virazneno. Televîzyon bi bernameyê "Xalxalok" de domanan rê hîkayeyan vano û domanê ke keno meymanê xo înan dir sohbet keno. Televîzyon de bi pêşkêşkerdişê Ayşe Avesta perwerdeyê Ziwanê Kurdkî zî yeno dayane.

	 

	Bi jineolojî ewnîyayîşê tarîxî

	 

	Bernameyê televîzyonî bi bernameyê ke ma cor de qal kerd, sînordar nîyê. Jineolojî zî babetêke cîya yê televîzyonî ya. Bi bernameyê ke bi lehçeyê Kurdkî; Soranî û Kurmancî û bi tirkî yenê pêşkêşkerdene, cinî seba tarîx rê wayîr vejîyê û cigêrayîş bikerê yenê îqazkerdiş. Sewbîna TV bi bernameyê kurdkî "Şifa Jin" wazeno bale bi anco serê doktorîyê cinîyan ê tarîxî.

	 

	Vengê cinîyê Erebijan o zî

	 

	Televîzyon bi bernameyê Erebî ke virazneno, seba şaristanê ke DAÎŞ ra bi pawitiş ameyî pakkerdene, wazeno ke cinîyê ke wareyê sîyaset, ekonomî û ciwîyayîşî de aver bero û înan tewrê ciwîyayîşî bikero.

	 

	Jin TV bi weşanê xo yê di serrî yo dewam keno, wareyê têkoşînê azadîya cinî û çapemenîya cinîyan de bîyo sebebê xeylê averşîyayîşan û dîyar o ke demê ameyox de zî do nê xebatanê xo dewam bikero.