'Şaredarî goş nêdana problemanê welatijan' 

2020-11-29 14:06:31


	 

	MÊRDÎN - Bi serran o borîyê qenalîzasyonî yê bajarokê Xursî yê qezaya Qoserî yê Mêrdînî nînê viraştene, coka welatijê bajarokî bi problemê xidar dir rî bi rî manenê. Xecîce Nalîn dîyar kerd ke çend rey muracatê şaredarî kerd, heta nika problemêk nêameyo çareserkerdene.

	 

	Nufusê bajarokê Xursî yê qezaya Qoserî ya Mêrdînî hezar û 200 la bajarok bi problemê binsazgehî dir rî bi rî mendo. Bajarok bi xozaya xo namdar o, la seba probleman welatijî bêzar bîyê. Her mewsîmî de bi problemê cîya dir rî bi rî manenê. Welatija bi nameyê Xecîce Nalîn ajansê ma rê qalê probleman kerd.

	 

	'Seba boyan kes nêeşkeno vejîyo teber' 

	 

	Xecîce dîyar kerd ke bi desan rey muracatê şaredarîya Qoserî kerdê û va: "Ma bi waştişnameyî muracatê şaredarî kerd. La heta nika tu cewab nêameyo dayene. Bi destpêkerdişê mewsîmê zimistanî dir zî problemî tewr zêde benê. Pêro kuçeyî mîyanê herre de manenê. Domanî nêeşkenê bi rehetî şêrê mektebî û nêeşkenê kuçeyan de kay bikerê. Sewbîna seba boya kanalîzasyonî zî kesêk nêeşkeno vejîyo teber."

	 

	'Wa problemanê ma çareser bikerê'

	 

	Xecîce, dîyar kerd ke bi tu hawayî xizmet nêdanê bajarokî û va: "Şaredarî her wext pêsnê cadeyê bi desen kena, labelê verê xo nêdayê dewan. Ma her tim qalê problemanê xo kenê, la kesêk tçîyêk nêkeno. Welatijî goreyê îmkananê xo probelmanê xo çareser kenê. Sewbîna keya zî çîyêk nêkenê. Ma veng danê selahîyetdaran kenê ke problemê ma çareser bikerê."