Mêrdîn de her roje 250 kesî bi virus kewenê 

2020-11-26 15:43:04


	 

	MÊRDÎN - Bi ameyîşê mewsîmê zimistanî dir hûmara nêweşê virusê korona zêde benê. Mêrdîn de her roje 250 kesî bi nêweşî kewenê. Xebatkarê weşîye vengdayîşê xo pawitişî kerdî.

	 

	Bi ameyîşê zimistanî dir hûmara nêweşîyê vîrusê koronayî  (Covîd-19) Tirkiye de zêde beno. Heta nika nêzdîyê 13 hezar kesî seba vîrûsî dinyaya xo bedilnayî. Mêrdîn de zî her roje hûmara nêweşan zêde bena. Sendikaya Kedkarê Xizmetê Komelî û Weşîye (SES) yê Şubeyê Mêrdînî û Odaya Tabîban ê Mêrdînî mîyan de, Platformê Weşîye ya Mêrdînî, dayeyî pare kerdib. Goreyê dayeyan her roje 250 kesî bi nêweşîye kewenê.

	 

	 

	Goreyê dayeyê platformî, nika nêweşxaneyan de hetê kapasîte de problem çin o, labelê zêdebîyayîşê nêweşî dir nêweşxaneyan de zî problemî vejenê werte. Platformî ra Ozgur Bîlek, vengdayîş kerd û va: “Ganî her kes xebitnayîşê maske, pakitî û mesafe dîqet bikerê. Seba hewaya serdêne ganî nêşêrê cayê girewte. Veyvî û bernameyê ke qelebalix yenê amadekerdene bêrê betalkerdene. Seba ke selahîyetdarê berpirsîyarîyê xo bi ca nêanê, ganî şar tewr dîqet bikero.”