
Dayîkê Aştîye tepişteyan rê qert erşawitî 

2020-11-24 16:00:11


	&nbsp;

	STENBOL - Dayîkê Aştîye bi minasebetê 25'ê Teşrîna Peyêne cinîyan rê qert erşawitî.

	&nbsp;

	Dayîkê Aştîye bi minasebetê 25'ê teşrîna peyêne Roja Têkoşînê Hemverê Şîdetê yê Dinya Postexaneyê Fatîhê Stenbolî de cinîyê tepişteyan rê qert erşawitî.

	&nbsp;

	'Ma aştî û têduştî wazenê'

	&nbsp;

	Dayikê Aştîye yê verê Postexaneyê Fatîhî kom bî Perîhan Akbulut, dîyar kerd ke înan bi serran seba merdimî nêmirê veng dayî û wina va: "Ewro zîndanan pirr kerdî. Cinî kuçeyan de yenê qetilkerdene. Komeleyê cinîyan yenê padayene. Na dewlete cinîyan ra çi wazena. Komelê ke cinî ci de azad nêbo, a zî azad nîya. Ma aştî û têduştî wazenê."

	&nbsp;

	'Heta ke cinî tepişte bê do aştî nêro'

	&nbsp;

	Perîhane tewr peyîn wina va: "Heta ke cinî tepişte bê, do çîyêk bi ca nêro. Înan tena heqê xo pawitê û nasnameyê xo pawitê. Bi hezaran cinîyê nêweş ê tepişte estê. Cinîyê ke bi domanê xo dir ameyê tepiştene estê. Ma nê nêheqîyan qebûl nêkenê. Ma do heta peynî têkoşînê xo dewam bikerê û heqê xo bipawê."

	&nbsp;