Cinîyê TJAyî yê Şirnexijî: Seba cuyêka azad lazimî bi rêxistinbîyayîş esto 

2020-11-24 13:38:59


	 

	Rojda Aydin  

	 

	ŞIRNEX - Aktîvîstê TJAyî yê Şirnexî bi minasebetê 25ê Teşrîna Peyêne şîrove kerdî û vatî: "Seba polîtîkayê bêcezabîyayîşî hêrişê hemverî cinîyan zêde beno. La cinî do bi têkoşîn û rêxistinbîyayîşê xo hemverê sîstemê camêrdî sere wedarnenê û hesabê cinîyê ke ameyî kiştiş de sîstem ra pers bikerê." 

	 

	Kiştiş, tecawuz, taciz û hêrişê hemverê cinî, her wext bi problemo sereyîn semedê cinîyê têkoşeran.  Cinî hem bi sazgeh û hem zî bi rêxistinê xo hewl danê ke êdî cinîyêk bîn nêro kiştene yan zî bi şîdetî dir rî bi rî nêmano. Bi nêzdîbîyayîşê 25ê teşrîna peyêne dir zî tewr zêde waştişê xo anê ziwan. Kampanyaya "Ma xo pawenê" ke hetê Tevgerê Cinîyê Azad (TJA) ra ame destpêkerdene, bi çalakîyê cîya dewam kenê. Çarçewaya kampanya de cinîyê Şirnexijî amadekarîyê xo yê 25 teşrîna peyêne kenê. Derheqê babete de aktîvîstê TJAyî Şêrnexî erjnayîşê xo ajansê ma de qalî kerdî.

	 

	'Şîdet hetê îqtîdarî ra yeno meşrûkerdene'

	 

	Aktîvîsta TJA û endama Meclîsê Şaredarîya Silopî Besê Cevîz, dîyar kerd ke bi çend serrê peyîn de şîdetê hemverê cinî zêde bîyo û va: "Hemverê şîdet û qirkerdişê vera cinîyan, ma sey TJA ma startê xo yê 25ê teşrîna peyêne demê derbasbî dabî. Hemverê qirkerdişî ke seba peynî bibo, ma kuçe û meydanan de têkoşîn kenê. Bi serran o hemverê şîdet û qirkerdişo ke yeno kerdene, îqtîdarî seba çareserkerdişî tu gam nêeşto. Şîdet hetê îqtîdarî ra yeno meşrûkerdene. Îqtîdar, Pêkerdişê Stenbolî wazeno werte ra wedarno. Eke no Pêkerdişê Stenbolî biameyîne pratîzekerdene, beno ke hemverê cinîyan şîdet kêm bîne. Sewbîna qirkerdiş û şîdetê hemverê cinîyan taybetî zî seba polîtîkayê bêcezabîyayîşî zêde bîyo."

	 

	'Ma do hesabê cinîyan ke ameyê qetilkerdene sîstemê camêrd pers bikerê'

	 

	Aktîvîsta TJAyî û endama Meclîsê Şaredarîya Silopî Garîbe Bîlîr, dîyar kerd ke seba polîtîkayê bêcezabîyayîşî qirkerdiş û şîdet hemverê cinîyan zêde bîyo û va: "Ma do 25ê teşrîna peyêne de Şirnex de hemverê tacîz, tecawuz, şîdet û qirkerdişî ma do rayrayîşêk bikerê. Ma qetî şîdetê hemverê cinîyan qebûl nêkenê. Tena 25ê teşrîna peyêne de sewbîna her roje hemverê taciz, tecawuz û qirkerdişî wareyan de bê. Ma do bi xoverdayîş û têkoşînê xo hemverê şîdetê cinîyan de vinderê. Seba polîtîkayê bêcezabîyayîşî qirkerdiş û tedayê hemverê cinîyan zêde keno. Sucdarê ke cinîyan qetil kenê, ganî bêrê cezakerdene. Eke bêrê cezakerdene do qirkerdişê hemverê cinî zî kêm bibo. La semedo ke îqtîdar kerdoxan ceza nêkeno û camêrdî zî nê ra hêz gênê. Heta kerdoxî nêrê cezakerdene ma do nêvinderê. Ma do bi têkoşîn û xoverdayîşê xo nê hêrişan bidê vindarnayene. Ma do hesabê cinîyê ke ameyê qetilkerdene sîstem ra pers bikerê."

	 

	'Ma do xo bipawê'

	 

	Garîbe, bale ant serê Pêkerdişê Stenbolî û va seba qirkerdişê hemverê cinî vinderê ganî Pêkerdişê Stenbolî bi ca bîyarê û va: "Ma cinî eke bibê yew, ma do bieşkê hêrişê hemverê cinî bidê vindarneye. Waştişê ma oyo ke cuyêka azad û vindertişê hêrişê hemverê cinîyan o. 25ê teşrîna peyêne de ma heme wirzê serê xo. Ma desteştişê cinîyan qebûl nêkenê. 25ê teşrîna peyêne de her roje wayîrê yewbînan vejîyenê û wareyan de bê. Ma xo bipawê. Seba cuyêka azad lazimî bi rêxistinbîyayîş esto."