
Derheqê 5 rojnamegeran de dewa abîye 

2020-11-19 15:40:35


	&nbsp;

	&nbsp;

	&nbsp;

	MÊRDÎN - Mêrdîn de seba şermezarkerdişê qeyûmî 5 rojnameger zî tede 8 kesan rê dewa ameye akerdene.

	&nbsp;

	Dima ke 2019 de hetê qeyûmî ra dest nîya Şaredarîya Mêrdînî ser wekîlê HDPyî zî tede bi seyan kesî verê bînaya şaredarîye de tewrê protestoyanê şermezarkerdişî bibî. Nawnayîşê 20ê tebaxa 2019î de polîsan pê bombaya gazî hêrişê girseyî kerdbi. Nawnayîş de muxabîrê Ajansê Mezopotamya Mehmet Şah Oruç û Ahmet Kanbal, rojnamegera Jinnews Rojda Aydin, rojnamegere Halîme Parlak û Nurcane Yalçin zî tede hemwelatîyê bi nameyê Mehmet Ete, Hamza Ete û Mehmet Selîm Şîmdî ameybî destbendkerdene.

	&nbsp;

	Serdozgerîya Komare ya Mêrdinî derheqê nê 8 kesan de bi îdîaya 'endamîya rêxistine' û 'propagandaya rêxistine' tehqîqatî dayî destpêkerdene û par derheqê înan de bira bêteqîbî amebî dayene. Nareye Serdozgerîye bi îdîaya ke 'vera qanûnî beşdarê kombîyayîş û rayraşîyayîşî bîyî û rixmê hîşyarkerdişan zî vila nêbîyî' dewayêke akerde.Dewaname hetê Mehkemeya Cezaya Aslî ya 1. ya Mêrdinî ra ameye tesdîqkerdene.

	&nbsp;