10 mengan de 10 merdişê bi guman ê cinîyan 

2020-11-19 15:23:18


	 

	MÊRDÎN - Endama Platform Cinîyan ê Şahmaranî Gulîzar Îpek dîyar kerd ke 10 mengî de 10 cinîyan bi hawayêk bi guman dinyaya xo bedilnayê û va ke no çî normal nîyo. Gulîzare vengdayîşê rêxistinbîyayîşê hemverê merdişê bi guman yê cinîyan kerd.

	 

	Merkezê Cigêrayîşî Sosyo Polîtîk Saha çend rojî verê derheqê qirkerdişê cinîyan de raporêk weşêna. Goreyê raporî 10 mengî yê ewil serre de 197 bi guman bi tememî 453 cinî dinyaya xo bedilnayê. Mêrdîn zî mîyanê şaristanê ke tewr zêde merdişê bi guman yê cinîyan vejêno vernî û rêza pancine de cayê xo gêno. Mêrdînîjî mîyanê 10 mengan de 10 cinî bi hawayêk bi guman dinyaya xo bedilnayê. Cipersayîşê ke derheqê merdişê bi guman dest pê kerdo aver nêşino.

	 

	Endama Platformê Cinîyan ê Şahmaranî Gulîzare Îpek derheqê babete de erjnayîş kerd. Gulîzare dîyar kerd ke merdişê bi guman seba sazgehê cinîyan û polîtikayê şîdetî hemverê yê hukumetî virazênê.

	 

	'10 merdişî bi guman ê cinîyan'

	 

	Gulizare dîyar kerd ke nê serrê peyên de mergê cinîyan ê bi guman zêd ebîyo û va: "Merdişê bi guman seba padayîşê sazgehê cinîyan û polîtikayê şîdet yê hemverê yê hukmatî virazêno. Merdişê bi guman yê cinîyan ê Nisêbîn, Qoser, Dêrik û Mîdyadî zaf zêde bîyê. La netîceyêk derheqê nînan de nêameyo girewtene. Hukm no war de wezîfeyê xo nêano ca. Ganî hukm, nika sebebê 'întiharan' dîyar bikero. Labelê verpayê ci komelî teşwîqê şîdetî keno. Şîdet, merdişê cinîyan ma nêeşkenê polîtikayê dewlete cîya bikero. Xeylê sazgehê cinîyan seba qeyûm ame tayînkerdene ameyî padayene. Ma sey cinî nê wareyan terk nêkenê. Merdişê 10 cinîyan çîyêk normal nîyo."

	 

	'Her tewir şîdet cinîyan rê yeno kerdene'

	 

	Gulîzare veng da ke hemverê şîdetî û qirkerdişan xo birêxistin bikerê û wina va: "Ma qalê mergê 10 cinîyan kenê. No întîhar nîyo cînayet o. Nê welatî de qirkerdişê cinîyan babeta vatişî ya. Ma her roje çimanê xo bi kiştişê cinîyan û îstîsmar akenê. Seba polîtikayê dewlete tu ware seba cinîyan nêverdayî. No proses bi sebeb ke şîdet zêde bibo. Hemverê nê polîtikayan ganî cinî xo birêxistin bikerê. Ganî kiştoxê cinîyan zî nê gamî de bêrê vînayene.