Mexmûr de serê 25ê Teşrîna Peyêne de semîner ame dayene 

2020-11-18 15:11:21


	 

	MEXMÛR - Wargehê Multecîyan ê Şehîd Rûstem ( Cûdî) semedê 25ê Teşrîna Peyêne Roja Têkoşînê hemverê Şîdetê serê Cinîyan de semînerêk viraşt.

	 

	Wargehê Multecîyan ê Şehîd Rûstem Cûdî ( mexmûr) bi rayberîya Meclîsê Îştarî lokalê Mamostayan de seba 25ê Teşrîna Peyêne de Roja Têkoşînê hemverê Şîdetê Serê Cinîyan, seba wendekarê kênayan yê mektebê amedeyî de semînerêk viraşt.

	 

	Semîner bi rêzgirewtişê seba temamê şehîdan dest pêkerd û semîner hetê Endama koordinasyonê Meclîsê Îştar Fadîle Tokî ra ame dayene.

	 

	'Ma sere nêtewênenê'

	 

	Endama Koordînasyonî Meclisê Îştar Fadile Tokî bale ant serê tarîxê  25ê Teşrîna Peyêne û wina va: "Şîdetê serê cinîyan tarîxê verî ra heta nika dewam kerdo. Hemverê şîdetê serê cinîyan de do têkoşîn û xoverdayîşê ma dewam bikero. Serra 1999 de dimayê têkoşînê 3 wayê Mîrabal hetê Neteweyê Yewbîye (NY) ra roja 25ê teşrîna peyêne seke Roja Tekoşînê Hemverê Şîdetê serê cinîyan de ameyo îlankerdene. Têkoşînê hersî wayan ê hemverê wehşetî her wext dewam bikero. Tarîxê Kurdistanî de zî heta ewro hemverê zîhnîyetê qirkerde qetî ma sere nêtewêna yo û do her wext tekoşînê ma dewam bikero. Cinî xoza temsîl kena û ganî cinî nêrê kiştene."

	 

	'ewro zanistîyê Jineolojî bîyo nimûne'

	 

	Fadile Tok tewr peyîn wina va: "Ma wendekaranê xo rê serkewtiş wazenê. Ma bi sloganê, cinî ciwîyayîş a û cinî mekşê. do her wext bi fikrê Rayber Apo, fikrê Sarayan, Arînan, Barînan, Delalan têkoşînê ma pîl bibo, rayîrê ma roşn bo û ma do bibê wayîrê xelata tewr pîl. Ewro jinolojî ke zanistê cinî yê dinya bîyo nimûne. Coka cigêrayîşî xo de kûr bî. Serkewtiş ê şarê Kurdî yo."