Gulana ke cayê serebûtî de nêbî cezaya muebetî ameye waştane 

2020-11-18 14:27:48


	 

	AMED - Gulan Elma ke bi keyeyê xo dir Licê de ameye destbendkerdene û heyetê dadgehe derheqê aye de cezaya muebeto girankerde ci rê waşt, Gulane hemverê îdiayan vejîya û dîyar kerd ke wextê xendekan de teberê şaristanî de bîya.

	 

	Yildiz Elma (55) Licê yê Amedî de teşrîna verêne 2018 de bi îfadeyê "Venûs" ameye destbendkerdene. 4 domanê Yildize hemverê qerarî vejîyayî û her 4 domanî zî bi sebebê ke hemverê polîsan vejîyayê, ameyî destbendkerdene. Bi mengan Yildize û domanê aye tepişte mendî û dima ra heyetê dadgehe Yildize rê 6 serrî û 3 mengî ceza birna û qerarê tehlîyeyê aye da. Sewbîna ame zanayene ke “Venus” heta nika nêvejîyayo werte û pêwa nê dadgehe Yildize rê ceza da. 

	 

	Dimayê ke Yildize serbest ameye veradayene 3 domanê aye zî serbest ameyî veradayene. Labelê kênaya aye Gulan Elma nêameye veradayene û hetê Serdozgeriya Komare ya Amedî ra derheqê Gulane de 4 îdianame ameyî amadekerdene. Rojê vîyarte de roniştişê Gulane ame vînayene û qerarê ke wa rewşa Gulane tepişte dewam bikera, ame dayene.

	 

	Avûkatê Gulane va ke tepiştê ci nîno qebûlkerdene û va: “Prosesê xendekan de Gulane Nevşehîr de bî û şahîdê aye zî zamayê înan o. Eke demê xendekan de tîya bibayîne senîn raydayîş bikerdêne. Gulane teşrîna peyêne de reya xo xebitnaya 4ê teşrina peyêne de zî serê medyaya komelî de parekerdişêk aye esto. Kesêk wina do senîn rewşa wina de medyaya komelî de parekerdişêk winasî pare bikera. Ez wazena ke Gulane bêra tehlîyekerdene."

	 

	Heyetê dadgehe derheqê Gulane de qerar da ke rewşa aye ya tepişteyî dewam de bo û roniştiş taloqê 28ê Çeleyî 2021 kerd.