Cinî xebata atolye de kom bî 

2020-11-16 15:35:03


	 

	MÊRDÎN - Cinîyê TJAyî çarçewaya 25ê teşrîna peyêne Roja Têkoşînê Hemverê Şîdetê Serê Cinîyan ê Dinya de atolyeya ke babeta do “Komel û Cins” kom bî.

	 

	Tevgerê Cinîyê Azad (TJA) û Meclîsê Cinîyan ê Partîya Demokratîke ya Şaran (HDP) derheqê 25ê teşrîna peyêne Roja Têkoşînê Hemverê Şîdetî Serê Cinîyan ê de qezaya Nisêbînî atolyeya ke babeta “Komel û Cinsî” yena organîzekerdene. Atolye awanîya HDPyî ya qeza bi tewrê endam û îdarekarê Platformê Cinîyan ê Şahmaran, Meclîsê Dayîkê Aşitîye, hemşaredarê qeza yê ke qayûm vera înan ameyê tayînkerdene û xeylê cinî û camêrdî qeza ameyî têhet.

	 

	Atolye de babetê seke komelê cinsî, xo pawitişê meşrû, Polîtîkayê şerê taybet ameyî munaqeşekerdene. Atolye de eleqeyêk pîl yê camêrdan zî estbi ke na babete bi hawayêk pêroyî ame munaqeşekerdene. Kesê ke tewrê atolye bî, bi taybet nê polîtîkayî hêrişê taybet serê Kurdîstanî yenê kerdene û pîya yenê munaqeşekerdene.

	 

	‘Ma do her ware de xo rêxistin bikerê’

	 

	Çalekwana TJAyî û endama Platformê Cinîyan ê Şahmaranî Gulîzar Îpek atolye de qisey kerd û va: “Nê babetê ke ma munaqeşe kenê, êdî her kes pê zano. Bi nameyê heskerdiş û eşqî cinî yenê qetilkerdene. Ma demêk nêzdî de nimûneyê sey Şirnex, Amed û Êlihî dî. Nika çîyê ke ma munaqeşe bikerê, ganî ma yewbînan rê zanayîş bidê û dima ra zî rayîrê çareserî pêşnîyaz bikerê. Ganî ma her ware de hemverê hêrişan xo rêxistin bikerê.”

	 

	Atolye bi sloganê, “Cinî Ciwîyayîş Azadî” bi peynî bi.