Nuştoxan ra vengdayîşê azadîya heme nuştoxanê zîndanan de kerdî 

2020-11-15 15:34:21


	 

	MERKEZÊ XEBERAN - Komeleya Edebîyatkaranê Kurd û Komeleya Nuştoxê Mezopotamyayî dîyar kerdî ke nuştoxê Kurdî yê zindanan de yê seba komeleyêk azad û têduşt bi qelema xo xo ver danê û cayê înan zîndan nîyo.

	 

	Bi munasebetê 15ê Teşrîna Peyêne Roja Nuştoxê ke Zindanan de yê Komeleya Edebîyatkaranê Kurd û Komeleya Nuştoxê Mezopotamyayî eşkerayîya nuşteyî dayî. Eşkerayî de ame neqlkerdene nuştoxî meşaleyê vîr û bawerîya komelî yê.

	 

	Dewamê eşkerayî de wina ame vatene:

	 

	“Ewro 15ê Teşrîna Peyêne Roja Nuştoxê ke Zindanan de yê ya. Labelê nuştoxê kurdî seba fikir û fehmê xo yê azad zîndananê Vakur û Tirkîya de yenê tepiştene. Nuştoxî, meşale, vîr û bawerîya komelî yê û hemverê tedayê otorîter sere nêtewênenê. Cayê înan zîndan nîyo. Ê semedê komelêk azad û têduşt bi qelema xo, xo ver danê.

	 

	Me sey Komeleya Nuştoxê Mezopotamya û Komeleya Edebîyatkaranê Kurdî veng danê hetê ke demokrasî pawenê ke bibê vengê nuştoxê kurdan yê ke zindanan de yê û tewr peyîn zî heme nuştoxê ke her cayê dinya de zîndanan de yê.