
Gumanbarê hêrişê cinsî tewrê roniştişî nêbi 

2020-11-15 14:38:13


	&nbsp;

	MÊRDÎN - Roniştişê 2yîn ê dewaya gumanbarar Feyzî Altundag (64) o ke Mahsert de 2 domanan rê tehdîd û hêrişê cinsî înan kerdo 18ê teşrîna peyêne bêro vînayene.

	&nbsp;

	Nîsana 2018 de qezaya Mehsertî yê qezaya Mêrdînî de amebi &nbsp;dîyarkerdene ke camêrdo bi nameyê Feyzî Altundag (64) 2 domanan rê hêrişê cinsî kerdo û înan tehdîd kerdo. Dimayê ke domanan Serdozgerîya Komara ya Mahsertî gerre kerd, derheqê gumanbarî de îdaname ame amadekerdene û dosya 5in Dadgeha Cezaya Giran ya Mêrdînî rê ameye erşawitene.

	&nbsp;

	‘Domanan kerra eşt mi’

	&nbsp;

	Dimayê ke îfadeyê domanan serdozgerî de ame girewtene, îfadeyê gumanbar zî ame girewtene. Gumanbar îfadeyê xo de hedîse înkar kerd û dîyar kerd ke domanan kerra eştê û pere ci ra waştê. Serê nê de îfadeyê gumanbar kamerayê cayê hedîse ame kontrolkerdene û vejîya werte ke destê domanan de tu kerra çinbîya û doman û gumanbar bi rayîrê cîya şîyê.

	&nbsp;

	Seba versuc ceza ame waştene

	&nbsp;

	îdianameyo ke hetê Serdozgerîya Komara ya Mahsertî ra ame amadekerdene dadgeha Asli ya Cezaya ê Mêrdînî ra ame erşawitene. Îdianameyî de Feyzî rê bi sucdarîyê “Hêrişê cinsî yê domanan” seba her domanêk hêrişê înan kerdo, cîya cîya ceza ame waştene.

	&nbsp;

	Roniştişê yewin ê dosyaya 19ê Hezîrane de 5in Dadgeha Cezaya Giran ya Mêrdînî de amebi vînayene. Feyzî Altindag bi sebebê ke emrê ci pîl o û şubeyê korona esto tewrê roniştişî nêbi. Heyetê dadgehe seba roniştişê 2yîn qerar da ke binê zorî de gumanbar bêro tewrê roniştişî bibo û roniştiş taloq kerdib. Roniştişê dewaya gumanbar Feyzî Altindag kd yeno muhakemekerdene 18ê teşrîna peyêne de 5in Dadgeha Cezaya Giran ya Mêrdînî bêro vînayene.

	&nbsp;