‘Ferman de pawitişê ma nêkerdî wa ewro zî pawitişê ma nêkerê’  

2020-11-14 14:47:23


	 

	Viyan Seîd

	 

	ŞENGAL - Endama TAJEyî ya bajarokê Sinune Delal Şengalî dîyar kerd ke bi pêameyîşê berjewendiyê Şengalî esas nîno girewtene û endama Meclîsê Şarî yê Sinune Cane Sileman zî dîyar kerd ke kesê ke ferman de pawitişê Şengalî nêkerdê wa ewro zî nêrê.

	 

	Reaksîyon û nêrazîbîyayîşê cinîyê êzidijan yê hemverê pêameyîşê Hewlêr û Bexdayî dewam kenê. Cinîyan bi yew vengî dîyar kerd ke tu hêzêk bîn Şengalî seba pawitişî nêwazenê. Endama Tevgerê Azadî yê Cinîyê Êzidijî (TAJE) ê bajarokê Sinune ya Şengalî Delal Şengalije û endama Meclîsê Şarî Sinune Cane Sileman hemverê pêameyîşî reaksîyonê xo ard ziwan.

	 

	‘Tu cîyayê înan DAÎŞî ra çin o’

	 

	Delale, destpêkê qiseykerdişê xo de bale ant serê girîngîyê tifaqê welatîyê Şengalî û va: "Bi pêameyîşê berjewendiyê Şengalijan esas nêameyo girewtene. Nê tifaqî de dewleta tirkî û Amerîka zî esto. Wazenê ke hêzê ma vejîyayo werte ra wedarnê. Eke îradeyê ma werte ra wedaryo ma do sey verê bibê kole. Ma sey cinî û dayîkê Êzidxanî nê qerarî qetî qebûl nêkenê. Wextê fermanî de tena peşmerge ney, leşkerê Iraqî zî tîya bî û pawitişê ma nêkerdî. Cinî, doman, pîr û kal nê wextî kewtî destê DAÎŞî. Heta ewro zî cinî bazaran de yenê rotene. Ma sey Şengalî nê qerarî qebûl nêkenê û ma nika nêwazenê bêrê ma bipawê. Êdî ma eşkenê xo bipawê. Ma semedê qerarî rayrayîş organîze kerdib û şan de zî arteşa tirkî hêrişê domananê ma kerdî. Tu cîyayê înan DAÎŞ ra çin o.”

	 

	‘Ma hêzê ke ma nêpawenê nêwazenê’

	 

	Cane, zî qiseykerdişê xo de bale ant serê komelê êzidîyan û wina va: "Kam beno wa bibo yê ke wextê xo de pawitiş nêkerd, wa ewro nêrê serê herra ma. Kam hêz beno wa bibo. Yê ke pawitişê ma nêkerê û reyna biremê ma qebûl nêkenê. Hêzê ma yê pawitişî esto. Êdî domanê Şengalî ma pawenê. Kêna û xortê Êzidxanî pawitişê ma kenê. Ma reyke bîn sereyê xo hemverê  fermanî nêtewênenê. Ewro zî hukmatê Iraqî pawitişê ma nêkeno eke pawitiş bikerdêne hêrişî nêameyîne meydan.”