Maya Aştîye Meles Tekîn dinyaya xo bedilna 

2020-11-13 13:45:07


	 

	MÊRDÎN - Endama Meclîsê Mayanê Aştîye Melese Tekîn (Maya Melo) netîceyê gonîşîyayîşê mezgî de dinyaya xo bedilnaye.

	 

	Endama Meclîsê Mayanê Aşitîye (Maya Melo) a ke qezaya Dêrikî de ciwîyayîne, gonîşîyayîşê mezgî derbaz kerd. Maya Aştîye wedarnayî nêweşxaneyê Dewlete ya Mêrdînî û nêweşxane de dinyaya xo bedilnaye.

	 

	Cenazeya Melîse dewa Buxurî ya girêdayê qezaya Dêrikî de bi merasîmî ameye definkerdene.

	 

	Pêwa nêweşîya xo 18 mengî tepişte mende

	 

	Maya Melese bi sebebê ke cezaya aye ke bi qasî 4 sal û 3 mengan amebî tesdîqkerdene, menga Nîsana serra 2018 de ameye tepiştene. Melese dimayê demêk derg zîndanê E yê girewteyê Mêrdînî de mende û dima ra surgunê zîndanê tîpê T yê Xarpêtî kerdî. Melese ê prosesî de xeylêk rey dîyar kerd ke nêweşîyê aye yê giran estê, la Sazgehê Adlî yê Doktoran her rey raporê ke, “eşkena zîndan de bimana” dayî û waştişê Melese nêame tesdîqkerdene. Semedê nê zî Melese 18 mengî tepişte mende. Bi vetişê paketê hukmî yê peyîn de aye 25ê teşrîna verêne 2019 de ameye veradayene.