Hacetê propagandayî yê simulasyonêke bi efsûn: Medya 

2020-11-08 14:49:34


	 

	Habibe Eren

	 

	MERKEZÊ XEBERAN - Erdlerzê Îzmîrî yê bi pîlîyê 6.9 ame meydan de medya seke hacetê propagandayî yê simulasyonêke bi efsûn kar kerd.  

	 

	30ê teşrîna verêne de Seferhisarê Îzmîrî de erdlerzê bi pîlîyê 6.8 ame meydan. Erdlerz de gumanê her kesî o bi ke kes merdo yan ney. Her ke saete derbaz bîne dîmenê kavilan netîceyê erdlerzî vet verê çiman. Hîn dîmenê welatijan zî binê kavilan ra ameyîne vetene, nê dîmenî hafizayan de cayê xo girewtî. Her ke  dem derbaz bîne, dîmenê birîndaran û bendemendişê keyeyanê înan bi ziwanêk ajîtasyonî ekranan de rî da.

	 

	Dîmenê Elif û Ayda dimayê saetan binê kavilan ra ameyî vetene, serê medya de ameyî parekerdene. Elifa 3 serrî dimayê 60, Aydaya 4 serrî dimayê 91 saetan dima binê kavilan ra ameye vetene. Medya, qet heqê domanan nêard verê çiman û weşanêk wina kerd. Belê, ganî xebera înan biameyîne viraştene la bi no hawa? Bi hawayo ke xeberdarîya magazîn bêro kerdene û çekuyê klîşe xelisnayîşê domanan dayî medya. Mahrimîyetê domanan nêame pawitene û toximê travmeyêk beno ke bi serran o dewam bikero, hetê medya ra ame eştene. 

	 

	Hîn anonsê sey, 'dîmenê boya merdimî çikneno’ sey hacet ameyîne xebitnayene. Sewbîna Wezîrê Weşîye dîyar kerdib ke Ayda, kuftik û do waşto. Tay derbaz bi yê ke kuftikan roşenê kewtî rêze. Medya, rewşê şer, feqîrî û laser de wezîfe girewtêne serê xo, medya de zî girewtêne serê xo. Sosyologê Firansizij o ke serê medya de xebatê ey estbî Jean Baudrillard, bi vatişê Simulasyonî na rewşe ano rojeve. Erdlerz Îzmîr de bi pîlîyê 6.9 ame meydan û medya, seke hacetê propagandayî yê simulasyonêk bi efsûn kar kerd.