Cinîyê HDPyijî startê 25 teşrîna peyêne dayî 2020-11-07 16:24:50   ENQERE - Meclîsê Cinîyanê Enqereyî yê HDPyî bi munasebetê 25ê Teşrîna Peyêne dayî. Eşkerayî de ame vatene do hemverê polîtîkayê dişminîyê her ca de têkoşînî xo bikerê.   Meclîsê Cinîyan ê Enqereyî yê Partîya Demokratîke ya Şaran (HDP) awanîyê partîya xo startê 25ê Teşrîna peyêne Roja Têkoşînê Cinî yê Hemverê Şîdetê serê Cinîyan bi eşkerayîyêk da. Xeylê cinî tewrê eşkerayî bî. Eşkerayî de bi nuşteyê, "Hemverê şîdetê camêrd-dewlete ma têkoşîn kenê” bi kurdkî û tirkî ameyî berzkerdene.   ‘Ma do her cayê cuye de pîya bi’   Vervatoxa Meclîsê Cinîyan ê Enqereyî ya HDPyî Zeyno Bayramoglu eşkerayî de wina va: “Prosesê ke şîdetê serê cinîyan de zêde beno, ma do her cayê cuye de pîya bê. Ma cinî hem vera qeyûman, hem zî vera şîdetê bi pandemiyî reyde zêde bîyo têkoşîn bikerê. Tirkîya de desteştiş, şîdet, îstismarê hemverê domanan û cinîyan bi hawayêk sîstematîk dewam keno. Kiştişê cinîyan polîtîk o, coka ganî ma bi vindertişêk polîtîk hemverê nê vinderê. Hêrişê îqtidarî yê hemverê cinîyan nêqedêno. Coka gerek têkoşînê ma zî nêqedîyo.”   Eşkerayî de bi sloganê, "ma nêtersenê, bêveng nêmanenê, sere nêtewênenê”,"Cinî ciwîyayîş azadî" bi peynî bi.