
Do Dêrsimî de Pêvînayîşê Cinîyê Elewîyî bêro kerdene 

2020-11-04 15:52:26


	&nbsp;

	DÊRSIM - Meclîsê Cinîyan ê HDPyî yê Dêrsimî çarçewaya çalakîyanê 25ê teşrîna peyêne de bi sloganê, "Ma bi rengê xo mîyanê têkoşîn de yê" do Dêrsimî de Pêvînayîşê Cinîyê Elewîyî de bêrê têhet.

	&nbsp;

	Meclîsê Cinîyan ê Partîya Demokratîke ya Şaran &nbsp;(HDP) yê Dêrsimî do 5ê teşrîna peyêne roja paşeme de saete 01.00 nîmerojî de Dikili Taşî de Pêvînayîşê Cinîyê Elewîyî de bêrê têhet. Yeno pawitene ke xeylê cinî tewrê pêvînayîşê Hemsereka Pêroyî ya HDPyî Pervîn Bûldan zî tewr biba, bibê.

	&nbsp;

	'Ma bi rengê xo xasek ê'

	&nbsp;

	Endama PMyî ya HDPyî Hêlîn Yagmur Ucî dîyar kerd ke ganî pêro cinî bi rengê xo tewr bibê û va, sey meclîsê cinîyan bi Komisyonê Bawerîyan û Şaran Pêvînayîşê Cinîyê Elewî bi ca bîyarê. Yagmure wina va: "Do Hemsereka ma ya Pêroyî Pervîne Bûldan zî tewrê pêvînayîşî biba. Ma do pîya sohbet bikerê û dayîş û girewtiş fikran bikerê. Ma do bi paştdayîşê cinî, hemverê sîstemo ke tecawuzkaranê xo wey keno, mîyanê têkoşîn de bê. Coka ma pêro cinîyan pêvînayîşê xo rê veng danê. Ma bi rengê xo xasek ê û ma bi rengê xo têkoşer ê."

	&nbsp;