Maya Elewîye Fîdane: Nasnameyê Elewîyê ke Kurdê şaristanan de asê mendo 

2020-11-04 13:42:50


	 

	Melîke Aydin

	 

	ÎZMÎR - Maya Elewîye, Fîdan Yildiz dîyar kerd ke nasnameyê Elewîyê ke Kurdê, mîyanê çar dêsan de şaristanan de asê mendê û bi polîtikayê asîmîlasyonî dir rî bi rî mendê û wina va: "Ez her wext seke do agêrayîşê ma bibo, fikirîyena. La na rey hîn bi hişmindîyêke averşîyayîş."

	 

	Maya Elewîye Fîdan Yildiza ke Kuçeyê Guzeltepe yê qezaya Çigli de ciwîyena, dîyar kerd ke Elewîyê Kurdî dimayê ke koçê şaristanan bî, hetê kultur û bawerîyê cîya dir rî bi rî mendê û polîtikayê asîmîlasyonî serê înan de ameyo kerdene. Fîdane dîyar kerd ke beno ke Rayîrê Haq (Rayîrê Haqî) yê Elewîyîya Kurdî dimayê çend neslan peynî bibo û wina va: "Televizyon kewt mîyanê pêro wareyê cuya ma. Ma zî musayî û ma şexsîyetê xo xo vîr ra kerd. La ez her wext fikirîyena ke do agêrayîşêk bibo. La na rey bi hişmendîyêk averbîyaye."

	 

	'Ma dewan de hîna azad bî'

	 

	Fîdana bi 25 serrî yo ke Îzmîr de ciwîyena, aye dewa xo ya Erziromî ra seba problemê ekonomî verê şîya Stenbol, peynî de zî şîya qezaya Çigli ya Îzmîrî û wina va: "Wexto ke ez şîya Stenbol, ez 17 serrî bîya. Ma 3-4 keyeyî şî Stenbol. Keye 1+1 bi. Ma şaş mendibî. Keyeyê dewe ra weşêr bi. Ma hîna  azad bî. Nika cuya peyser bidê, ez o şêrî dewe. Wexto ke mêrdeyê mi dest bi kar kerd, ma şî Îzmîr. Ma warê ekonomî de û warê nasnameyê xo de zehmetî dî. Tîya de merdim rastê probleman mendêne. Kurdî tîya de zehmetî ancenê. Nika Cemevî ameyî awankerdene, labelê no zî merdim vano qey asîmîlasyon bi ca ano. Ganî ez bi bawerîya xo tîya bî."

	 

	'Yê ke koçber yan Elewî, Elewîyê Kurdî yan zî Kurd ê'  

	 

	Fîdane dîyar kerd ke seba probleman ê mecbûr mendê bêrê şaristanan û wina va: "Pîyê mi wexto ke karsazîyê Somayî de xebityayîne, destê xo ra seqet bi. Dewlete kolit seba hêzê karê erjan awan kerd. Yê ke koçber benê yan Elewî, Elewîyê Kurdî yan zî Kurd ê. Ê zî kewtêne mîyanê zehmetîyê xeylê pîl. Eynî wextî de nasnameyê Elewîyê Kurdî binê tedayêk sîyasî de yê. Ez vana ez Kurdêk Elewî ya hîn kesî qebûl nêkenê ke ez kurd a. Sîstemî nê kesan kerd nê halî. Wexto ke remezan de werd werdêne vatêne ma do şêrê gerreyê ci şefî rê bikerê. Xeylê ca de ma tersenê ke ma vajê Elewî yê."

	 

	Asîmîlasyonê bi rayîrê tîryakî yê Guzeltepeyî 

	 

	Fîdane dîyar kerd ke do di neslê bawerî û kulturê elewîyan bikewo mîyanê tehluke û wina va: "Domanê ma bi bawerîya Rayîrê Haq zanê la reyna zî dûr kewenê. Kuçeyê Guzeltepe de polîtikayê asîmîlasyonî bi zanebîyayîş yeno kerdene. Bi zanebîyayîş tiryakî ardî tîya. Wazenê komelêk xirab awan bikerê. Ma xozaya xo ra dûr kewenê."

	 

	'Ez xo fikirîyena ke do agêrayîşêk bi hişmendî bi ca bêro'

	 

	Fîdane tewr peyîn wina va: "Ma ameyî tîya û ma xozaya xo ra dûr kewtî. La ma tîya rê nêmusayî. Televîzyon kewt mîyanê heme wareyê cuya ma. Ma zî musayî înan û ma şexsîyetê xo, xo vîr ra kerd. La ez her wext fikirîyena ke do agêrayîşêk bibo. La na rey bi hişmendîyêk averşîyaye."