'Cinî heme şert û mercê yê zehmetî rê benê cewab' 

2020-11-03 16:29:00


	 

	Ronîda Hacî 

	 

	HESEKÊ - Şikriya Mihemeda ke seba amadekarîya mewsîmê zimistanî rîçalê kuyan her serre viraznena û va seba ke mewsîmê zimistanî zehmet o her serre amadekarî kenê û wina va: "Wexto ke ez amadekarîyê zimistanî kena, zimistan weş û geş beno."

	 

	Bi bîyayîşê cinîyan keye û ciwîyayîş ganebeno û kedêk pîl yena dayene. Yew cinî ke na keda pîl dana Şikriya Mihemed a. Cinîya bi nameyê Şikriya Mihemeda 49 serrî taxa Til Hecerî ya şaristanê Hesekî hemverê seba amadekarîyê zimistanî rîçalê kuyan viraznena. Şikriya ajansê ma rê qalê amadekarîyanê xo yê zimistanî kerd.

	 

	'Cinî heme şert û mercê cuye rê benê cewab'

	 

	Şikriya derheqê amadekarîyanê xo yê zimistanî de wina va: "Lazimîyê her keyeyêk bi amadekarîyê mewsîmê zimistanî esto. Seba ke mewsîm bi weşî û bê astengî derbaz beno. Her ganeyêk seba mewsîmê zimistanî kar û amadekarî keno. Keyeyêk de dayîke bibo o keye bi bereket o û seba problemê ciwîyayîşî bena cewab û hêzê çaresarî."

	 

	'Seba mewsîmê zimistanî rîçalê kuyan viraznena'

	 

	Şikriya dîyar kerd ke seba mewsîmê zimistanî rîçalê engure, dimsê îsotan, dimsê balîcanan û bamî viraştê û wina va: "Ma zaf erzaq semedê zimistanî amade kerd. Ewro zî ez rîçalê kuyan viraznena, domanî zî zaf ci ra hes kenê. Mi kuye girewte û keye de werdi kerd, kerd mîyanê kireç heta roja bîn, dima ra serê adir de bi şekir û awe girna ke amade bibo."

	 

	'Bi keda destan tehmê her werdî weş o' 

	 

	Şikriya dîyar kerd ke tehmê werdê bi keda destan hîna weşêr o û va: "Çîyêk sey karê destan weş çin o, wexto ke merdim bi keda destên xo werdêk virazneno û taybet serê adirî de hîna weş o. Wexto ke ez erzaqê zimistanî amade kena, giranî dana pakitî. Eynî wextî de dermanê weşîye yo. Ez her zimistan bi destê xo erzaqanê xo amade kena û domananê xo zî wina pîl kena ke çîyanê hadre nêmusê. Ez veng dana pêro cinîyan ke bi keda destê xo amadekarîyê zimistanî bikerê, seba bi keda destan tehmo tewr weş o."