Cinîyê Wanijî: Ma bawerîya xo bi îqtîdarî nêanê 

2020-11-03 14:47:38


	 

	WAN - Cinîyê Wanijî dîyar kerdî ke îqtîdar seba rayan vînî nêkero, serê problemê ke welat de estê gêno û vatî, ê bawerîya xo bi îqtîdarî nêanê.

	 

	Şubeyê Kureselî yê Koronayî, krîzê ekonomî ke kûr beno, bêkarî zêde beno û polîtîkayê pêrodayîşê yê îqtîdarî hem zere û hem zî teber de keno, welat ver bi rayîrêk nêdîyar de şino. Welatî vatişê îqtîdarî ke pîl beno û do ekonomîye baş bo ra bawer nêkenê. Cinîyê ke kuçeyê  Surmelî û Karşiyaka yê rayîrê Armûşê Wanî de ronişnenê wina vatî: "Îqtîdar seba reyan vinî nêkerdo, problemê serê welatî de yê gêno. La bi no hawa nêeşkenê şarî bixapênê."

	 

	'Ez bawerîya xo bi dayeyê wezaretê weşîye nêana'

	 

	Ayten Sagdeger bale ant serê problemê ekonomî û weşîye ser o û va: "Îqtîdar, seba rayan vînî nêkero problemê ke welatî ser o estê padano. La wina nêeşkeno şarî bixapêno. Wextê pandemî de kredî dayî, labelê nika êdî nêeşkenê nê kredîyan bidê. Ez bawerîya xo bi dayeyê wezaretê weşîye nêana. Ez bawer nêkena ke raşt bê. Xeylê nasê ma seba nêweşxaneyan de ca çin o, bi îmkananê xo keyeyanê xo de tedawî benê. Hûmara kesê ke rehmet kerdê 10 hezar danê labelê kesê ke rehmet kerdê hûmara înan zêde ya. Bi qedexeyan xeylê merdimî bêkar mendî. Vatî ma hezar TL hetkarî kenê. Ma hezar TL çi yo? Kam bi n perî şêro market nêeşkeno lazimîyê xo bi ca bîyaro."

	 

	'O bi 80 hezar TL maaş gêno la şar xemê ci de nîyo'

	 

	Aytene dîyar kerd ke seba rayê îqtîdarî kêm nêbê serê her çî gêno û wina va: "Ez bawer a do prosesê vernîya ma hîn xidar bo. Xeylê kesî seba debara xo bikerê hamnanî şinê dewa xo. Seba ekonomî baş biba, ganî têkilî teber dir zî baş bo. Seba çend rayan, însanan mexdûr kenê. O bi 80 hezar TL meaş gêno, la şaro ke bi zor debara xo keno xemê ci nîyo. Seba boykotkerdişê malanê Fransa veng da şarî. Umîdêk ma îqtîdarî ra çin o. Ganî şar êdî nê polîtîkayan goşdarî nêkero. Reaksîyonê tewr pîl bidê. Kesêk nêeşkeno dînî kesêk destê ci ra bigîro û ma dîn ey ra nêmusayî. Fikir û bawerîya her kesî cîya ya."

	 

	'Serê şarî de bazirganî keno'

	 

	Taybet Geçkin dîyar kerd ke krîzê ekonomî her ke şino tewr giran beno û va: "Seba ke wextê pandemî de xeylê ca padayî, nika şar ê mexdûrîyetî anceno. Xeylê kesî nêeşkenê werdêk berê keyeyê xo. Ez vatişanê îqtîdarî ra bawer nêkena. Vanê ke ma şar pawenê, o wext wa maskeyan belaş bidê ma. Wexto ke ez şina market, bi pere maske nêdanê. Xeylê kesî îmkanê înan maskeyan bigîrê çin o. Serê şarî de bazirganî keno."

	 

	'Ma bac danê dewlete'

	 

	Basra Kizil zî wina va: "Faturayê awe û ceyranî her ke şino zêde benê. Ganî maskeyî belaş bêrê rotene û vayîya awe û ceyranî biko. Kesê ke ameyî fatureyê awe bibirnê, verê kebiewnê saete ra 120 TL fature birnayî. Ez her karê xo bi ceyran vînena. Qalê hetkarîya 1 hezar TL kenê. Ma heqê ma no yo? Ma bacî danê dewlete."