
Nisêbîn de 3 kesî ameyî destbendkerdene 

2020-10-29 15:01:02


	&nbsp;

	MÊRDÎN - Qezaya Nisêbînî ya Mêrdînî de polîsan 3 kesî destbend kerdî. Ame parekerdene ke Hatay û Mersîn de zî xeylêk kesî ameyî destbendkerdene.

	&nbsp;

	Goreyê zanayîşanê ke ameyî girewtene endama Meclîsê Partî yê HDPyî Samîye Demîr sereştişê ofîsê embazêka xo de ameye destbendkerdene. Polîsan keyeyê Samîye de cigêrayîş kerd, embazê Samîye û kesêko bîno ke nameyê ci nêzanîyeno destbend kerdî.

	&nbsp;

	Ame parekerdene ke tehqîqat hetê Serdozgerîya Komare ya Mersînî ra dîya destpêkerdene.

	&nbsp;