‘Tepişteyê edlî musayîşê tirkî ci rê ferz kenê’ 

2020-10-29 13:55:06


	 

	 

	WAN - Merdimê tepişteya nêweşe Pavizk Demira 68 serrî, Pakize Demir dîyar kerd ke Pavizke binê nameyê îzolasyon de bi tepişteyê edlî reyde eynî koxuşe de manena û tepişteyê edlî ci ra vanê, "Ma ziwanê to ra fam nêkenê, eke ti tîya bimanê ganî tirkî bimuse.”

	 

	Tepişteya nêweşe Pavizk Demir çarçewaya tehqîqatê KCKyî de 2yê Nîsana 2012 de ameye tepiştene û 8 mengî ra dima ameye tehlîyekerdene. Dimayê cezaya aye 6 serrî û 3 mengî ameye tesdîqkerdene 4ê Adara 2019 de reyna ameye tepiştene û aye erşawitî Zîndanê Tîpê T yê Wanî. Pavizke dir nêweşîyê fitixê paştî, mîgren, tansîyon, şekir estê. Merdimê Pavizke, Pakize Demir dîyar kerd ke seba Pavizike lerzena rayrayîş û lazimîyê xo de zehmetîyan vînena û wina va: "Ma seba rewşa weşîya Pavizke bi endîşeyê. Wa heme tepişteyê nêweş û sîyasî serbest bêrê veradayene.”

	 

	‘Xeylê nêweşîyê aye estê’

	 

	Cinîya lajê Pavizke Demir, Pakize Demir dîyar kerd ke eynî wextî de nêweşîya aye romantîzma ya estê û wina va: "Pavizke her wext benê nêweşxane. Her ke agêrena zî 14 rojî kenê karantîna. Roja vîyarte reyna berdibî nêweşxane û reyna koxuşa tepişteyê edlîyan de kerdibî karantîna. Verê zî koxuşa edlîyan de mendebî û 9 rojan werd nêwerdib. Tepişteyê edlî teda kerdibî vatîbî ti çira ma dir werd nêwena, ti çira ma dir qisey nêkena. Sewbîna aye ra vatê, 'Ma ziwanê to ra fam nêkenê, eke tîya manena tirkî bimuse.”

	 

	‘Ricfê ganê ci zêde bîyo’

	 

	Pakize dîyar kerd ke tedawîyê Pavizke kêm yeno kerdene û wina va: "Pavizke nêweşta MR ci bêro girewtene. Seba ke tersaya. Labelê doktorî vato, 'çîyêk ti bitersê çin o.’ Dimayê ke emarê aye ameyo girewtene ricifê gane aye zêde bîyo. Nêeşkena biewnîyo xo ra. Wexto ke derence ra rayîr şina zehmetî ancena, nêeşkena şûşe bigîra, nêeşkena îbadetê xo bikera. Ez çar rojî verê şîya pêvînayîşê girewte û wexto ke telefon gêna zehmetî ancena. Seba ke recifêna mi xeylê vatişê aye fam nêkerd. Rewşa aye zaf xirab a.”

	 

	‘Ma seba rewşa weşîye Pavizike bi endîşeyîn ê’

	 

	Pakize dîyar kerd ke rewşa weşîye ya Pavizke ra bi endîşeyîn ê û wina va: "Derheqê weşîye aye de ma wayîrê zanayîşê zelal nîyê. Aye zî nêzena. Seba zêdebîyayîşê ricifnayîşî aye beno ke nêweşîyêk aye bîn esta û doktor ra nêvanê. Pavizke dîyar kerd ke aye seba bi tirkî nêzana va, ‘wa avûkatê mi doktorê mi ra vajê gelo nêweşîyêk mi bîn esta yan nê. Seba ke verê ricifê canê mi hende zêde nêbi.’ Dîyar kerd ke her roje serê aye dejeno û aye dejbirnaye xebitnena.”