12 tepişteyê Zîndanê Xarpêtî bi vîrusê korona kewtê 

2020-10-28 15:15:06


	 

	AMED - Heyetê ÎHDyî Zîndanê Xarpêtî de cigêrayîşêk kerd û dîyar kerd ke zîndan de 12 tepişteyî bi vîrusê koronayî kewtê û  îşkence û muameleyê xirab ê zîndanan dewam keno.

	 

	Şubeyê Komeleya Heqê Merdiman (ÎHD) ê Amedî, seba ke îhlalkerdişê heqan ê tepişteyan cayê ci de cigêrayîş bikerê, heyetêk erşawit zîndanê Xarpêtî. Heyetî de Serekê Şubeyê ÎHD yê Amedî Abdûllah Zeytûn û endamê heyetê îdareyê şubeyê Ercan Yilmaz û Yakûp Demîr de ca girewt.

	 

	Dimayê cigêrayîşê xo yê zîndanê heyetî, derheqê îdiayê îşkence û muameleyê xirab û tedbîrê lazim yê vîrûsê koronayî bi Dozgerîyê zîndanî reyde pêvînayîş kerdî. Heyet, dimayê cigêrayîşê xo yê zîndanî eşkerayîyêk nuşteyî da û neql kerd ke zîndan de 12 tepişteyî bi vîrusa koronayî kewtê û îşkence û muameleyê xirab ê zîndanê ke verê amebi neqlkerdene zî dewam keno.