Peymana Hewlêr û Bexdayî hetê Meclîsê Cinîyan ê Ereban ê Şengalî ra ame şermezarkerdene 

2020-10-28 12:41:43


	 

	ŞENGAL - Meclîsê Cinîyan ê Ereban ê Şengalî bi eşkerayîyêke vera peymana Hewlêr-Bexdadî ya seba Şengalî şermezar kerde û pare kerd ke ê do nameyê cinîyanê herême ser o destkewteyanê xo heta peyêne bipawê.

	 

	Meclîsê Cinîyan ê Ereban ê Şengalî bi eşkerayîyêke vera peymana Hewlêr-Bexdadî ya seba Şengalî şermezar kerde. Cinîyan dewa Bîrcalê ya bajarekê Medîbanê de eşkerayîye daye çapemenîye.

	 

	Cinîyan ard ziwan ke PDK wazeno Şengal çin bikero û agêrayîşan asteng bikero. Meclîsê Cinîyan eşkera kerd ke dima ke herêma înan hetê hêzanê Nesîre El Mûbîn ra ameye xelisnayene verê ferman û qirkerdişî ame girewtene. Cinîyan îfade kerd ke înan dormeyê fikranê Rayberê PKKyî Abdullah Ocalanî de xo rêxistin kerd û xîretê hêrişan çimanê înan nêtersnenê.

	 

	Cinîyan da zanayene ke ê peymana Bexdad-Hewlêrî ya seba Şengalî qebul nêkenê û vat: “PDK bi na peymane verê qirkerdişanê neweyan akeno. Ma sey cinîyan eşkenê bi îdeolojîya Rayber Apoyî xo rêxistin bikerê û bipawê. Hêzê ma Nesîre El Mubîn temsilîya estbîyayîş û îradeyê ma ya. Ma do xeyalê Şengalê xoserî yê şehîdan bîyarê ca û verê nê kay û peymanan bigêra.”