
Nursel Yilmaz: Wa cinî dewaya kênaya mi rê wayîr vejîyê 

2020-10-28 12:01:58


	&nbsp;

	Şehrîban Aslan

	&nbsp;

	AMED - Maya Vîldan Nerede ya ke hetê Ramazan Nerede dir amebî zewicnayîş ra ameye qetilkerdene Nursel Yilmaz, dîyar kerd ke kênaya aye bi komployêk ameya qetilkerdene û do heta peynî taqîbkerdoxê dewaya aye biba. Nursele veng da cinîyan ke dewaya kênaya ci rê wayîr vejîyê.

	&nbsp;

	Dewêka Bismilê Amedî de Ramazan Nerede, 23yê Teşrîna peyêne 2019 de cinîya ke ey dir amebî zewicnayene Vîldan Nerede û Dînçer Doganî ci dir qetil kerdib. &nbsp;Gumanbar waştib ke sebebê qetilkerdişê binê nameyê, "namûsî" de meşrû bikero. Her roniştişê derheqê Ramazan Nerede ke seba qetilkerdişê Vîldan û kesê ci dir zewicnayebî Ramazan Nerede û avûkatê ey bi pawitişê ke waştî qetlîamo ameyo kerdene meşrû ramojnê. Sewbîna gumanbar bi cilê ke da bi xo ra waştib roniştiş de bi qanûnê, "rewşa baş" ra feyde bigîro û cezayêk kêm ci rê bêro birnayene.

	&nbsp;

	Avûkatê gumanbar çapemenî ra aciz bi&nbsp;

	&nbsp;

	Roniştişê dewaya Ramazan Nerede ke derheqê qetilkerdişê Vîldane ya verê pandemî de avûkatê gumanbarî nêwaştib çapemenî tewrê roniştişî bibo û bi pawitişê ke kerdib waştibi hedîse meşrû bikero.

	&nbsp;

	‘Kênaya mi bi komployêk qetil kerdî’

	&nbsp;

	Maya Vîldane, Nursele Yilmaz zî dîyar kerd ke kênaya aye bi komployêk ameya qetilkerdene û wina dewam kerd: “Mewlud, Ugur, Ramazan, Lutfu û Sabahattîn kênaya mi qetil kerdî. Kênaya mi ra vatî, ‘bêre ma to benê verê pîyê to yê nêweş’ û aye berdî qetil kerdî. Ez fek na dewa ra vera nêdana.”

	&nbsp;

	Avukata Vîldane waşt ke gumanbarê bîn zî bêrê tepiştene

	&nbsp;

	Avûkata Vîldane Gulşene Ozbek zî dîyar kerd ke qetlîam bi plan ameyo kerdene û ganî derheqê pîyê gumanbar Mevlut Nerede de zî sûcê, "kiştişo bi plan" îfade bido û gumanbar Mevlut Nerede tepişte bêro muhakemekerdene. Heyetê dadgehe waştişê avûkate ya wa Mevlut Nerede tepişte bêro muhakemekerdene red kerd.

	&nbsp;

	Roniştişê dewaya derheqê Vîldane de 11 teşrîna peyêne de yo

	&nbsp;

	Roniştişê ke seba pandemî ame taloqkerdene 13ê Temmuze de ame vînayene. Roniştiş de heyetê dadgehe waşt ke rewşa tepişteyo versuc dewam bikero û dewa taloqê 11ê teşrîna peyêne kerdib.

	&nbsp;

	Maya Vîldane Nursele Yilmaz, veng da rêxistinê cinîyan û komeleyê cinîyan ke tewrê roniştişê derheqê kênaya aye de bibê û wayîrê dewaya aye vejîyê.

	&nbsp;