Cinîyê astengdarî: Ma wazenê merkezê cuye de cayê xo bigîrê 

2020-10-27 14:57:04


	 

	AMED - Cinîyê astengdarî yê ke Amed de ciwîyenê, dîyar kerdî ke cinîyê astengdarî mîyanê cuye de çin yenê hesibnayene û cinîyê astengdarî, goreyê astengdarê bînan hîn qij yenê fînene û wina va: "Ma nêwazenê ke xo binimnê, ma wazenê merkezê cuye de cayê xo bigîrê. Ganî heme kes wa bizano ke astengdarî zî estê."

	 

	Sey heme dinya astengdarê herême û Tirkîya de ciwîyenê beşêk girîng yê komelî yê. Goreyê hûmarê peynî astengdarê herême hûmara înan 2 mîlyonî ya. La yeno vatene ke goreyê hûmarê fermî sewîyeya sera  13 o û 9 milyon ê. Her çar astengdarê yê herême tena hetkarî gênê û yê bîn zî cuya xo mîyanê şerdê xidar de derbaz kenê û bi hetkarîya keye û derûdorê xo cuya xo dewam kenê.

	 

	'Astengdarî sey merdeyê cuyenê yê'

	 

	Sereka Meclîsê Komeleya Astengdarê Amedî Fahrîye Gunbati dîyar kerd ke derheqê astengdaran de xeylêk problemî estê la seba nê problemî bêrê çareserkerdene tu gamî nêyenê eştene û wina va: "Seba ke ma astengdarê ma her wext sey welatîyê diyîn yenê vînayene. Komel û hukmat zî ma nêvîneno. Astengdar sey merdeyê ciwîyenê yê. Heme ma çin hesibnenê. Serê bedenê cinîyêk astengdare de hetê cinsî ra feyde yeno girewtene. Labelê kes nêvano na astengdar a, ma hetkarîya ci bikerê.  ji aliyê zayendiyê fêde tê girtin. Kesêk reaksîyonê nê nêdano."

	 

	Fahrîya ke milê xo ra astengdar a dîyar kerd ke tecawuz û desteştişê serê astengdaran yê ke zêde bîyê seba bêcezaverdayîşî û hişmendîyê 'astengdar nêeşkenê xo bipawê' zêde benê û wina va: "Cinîyêka astengdar zere de yan zî teber de eşkena rastê tecawuzî bêra. Yanî nê çî hetê kesan ra yenê kerdene. Versûc wextê ke astengdare vîneno û seba ke nêeşkena xo bipawa eşkeno tecawuz bikero. No zî beno sebeb ke cinîya mîyanê komelî de sey meta yena vînayene hîn bêerj biba."

	 

	'Kuçeyan de çîyêk seba ma nîno kerdene'

	 

	Yeşim Erman ke Mamostetîya Bedenpawitişî qezenc kerda û dima ra dest bi antrenortî kerda û wina va: "Cinîyê astengdarî seba astengdarîya xo wareyê perwerdeyî de xeylêk zehmetîyan vînenê. Ganî komel fikrê xo yê hemverê astengdaran bivurno. Kuçeyan de zî seba ma çîyêk nîno kerdene. Şerîtê zerdî seba ma rayîrê xo bivînê, ameyê viraştene. Labelê wayîrê dikanê dolab, hacet yan zî tabelayê xo ser de bi ca kenê. Ma zî eşkenê bigênê înan ro û birîndar bibê."

	 

	Seba ke astengdar bî nêeşka perwerdeyê xo dewam bikera

	 

	Kader Topraka ke hemşîretî qezenc kerdib û seba her di milê xo astengdar bî aye nêgirewtî mektebe û wina va: "Ez tewrê azmûnê ehlîyetê bîya û mi ehlîyet girewt. La dima ra vatî ke ti nêeşkena ehliyet bigîrê û ehlîyetê mi betal kerdî. Ma keyeyê ma ra di tenî astengdar ê. Problemê ke ma vînenê, eynî yê. Wexto ke ma kar geyrenê, rîyê ma ra nêwenîyenê û vanê ke ma şima nêgînê kar. Ma nêwazenê ma mîyanê rewşêk wina de bê."

	 

	'Ma wazenê merkezê cuye de ca bigîrê'

	 

	Kadere bale ant serê tecawuz û desteştişê cinîyê astengdar û wina va: "Ma seba tehlûkeyê tecawuz û desteştişê nêeşkenê domananê xo vejê teber. Ma nêwazenê xo binimnê, ma wazenê merkezê cuye de ca bigîrê. Ganî heme kesî bizanê ke astengdarî zî estê."