Hemşaredare Fîlîz Bûlûttekîn rê 15 serrî ceza waştî  

2020-10-26 16:02:46


	 

	AMED - Dozgerîye seba hemşaredara Sûrî Fîlîz Bûlûttekîn ke wezîfe ra ameye girewtene û bi sebebê “endamîya rêxistine” derheqê aye de dewa ameye akerdene, 7 serrî û 6 mengî ra heta 15 serran ceza ameye waştene.

	 

	Çarin roniştişê dewaya ke bi sebebê “endamîya rêxistine” Hemşaredara Sûrî Fîlîze Bûlûttekîn ke wezîfeyê xo ra amebî girewtene û qeyûm tayînê vera ci amebi kerdene, 11in Dadgeha Cezaya Giran ya Sûrî de ame vînayene. Fîlîze  û avûkatê xo Sertaç Bûlûttekîn roniştiş de amade bî. Roniştiş de dozgerî dewaya mutalaaya xo wend û bi 'endamîya rêxistine” reyde 7 serrî û 6 mengî heta 15 serran Fîlîze rê ceza waşt.

	 

	Fîlîze û avûkatê xo Sertaç Bûlûttekîn, şahidiyê şahido nimte qebûl nêkerd û waştişê bereatî kerdî. Heyetê dadgehe verê ke mabêne bido, roniştiş taloqê 22ê sibata 2021 kerd.