‘Ganî cinî citkarî rê wayîr vejîyê’ 2020-10-16 12:00:29   Melîke Aydin   SAKARYA - SAKUDA ra Berîn Erturk dîyar kerd ke seba ke merdim xo biresno xidayanê başan, ganî cinî ageyro rolê xo yê verê ke wareyê citkarî û va ke ganî pêro cinî hemverê citkarîyê endustirîyel xidayê xo bi xo peyda bikerê.   Komeleya Berardişê Citkarîyê ya Mîtanneteweyî  (IFAP) seba keda cinîyan a wareyê citkarî de veja vernî, 15ê teşrîna verêne sey Roja Cinîyê Citkarî ya Dinya îlan kerd. 16ê teşrîna verêne 1945 de zî Rêxistinê Citkarîyê yê Neteweyê Yewbîyaye (FAO) ame awankerdene û bi munasebetê nê tarîxî 16ê teşrîna verê sey Roja Xidayan a Dinya ame îlankerdene.    Pêwa rojê ke sazgehê mîyanneteweyî îlan kerdê zî, seba rol û mîsyonê cinî yê wareyê citkarî de bêro vuryene, hewildayîşê girîng nînê kerdene. Labelê hîn nimûneyê ke cinîyan vurnenê zî estê. Nê nimûneyî zî wareyê berardişê citkarî de yê. Torra Paştdayîşê Berardişê ya Qijî ê Sakarya (SAKUDA) ya bi 8 kesî reyde yena meydan, Berîn Erturk derheqê krîzê ekolojîk û ekonomî de dîyar kerd ke seba ke rol û mîsyonê cinîyan ê citkarî de ameyo vurnayene coka krîzê ekonomîk û ekolojîk rî dano û ganî pêro cinî bi cesaret tê bigeyrê û wareyê citkarî de rolê xo yê gîring kay bikerê.   ‘Ganî cinî ageyrê rolê xo yê verê wareyê citkarî de’   Berîne bale ante serê vurnayîşê rolê cinîyan ê citkarî kenê tesîrê negatîf yê pandemî zî estê û wina va: “Dimayê citkarîyê endustiryel dest pêkerd, cinî bî sey paleyan. Ewro bi çimê 'mal' xidayan rê ewnîyenê û yenê jehrîkerdene. Ma nika ferq kenê ke xidayî ma rê çend girîng ê. Cayê berardişê ekolojîk pîyasa de çin o, coka ganî ma torrê xo yê alternatîf bimûnê.  Seba ke cinî wareyê citkarî ra ameyî dûrvistene, coka zî tesîrêk negatîf serê nê wareyî de ame kerdene. Seba wareyê citkarî baş bibo ganî cinî ageyrê rolê xo yê verê.”   ‘Awankerdişê kooperatîfê herême girîng ê’   Berîne dîyar kerd ke ganî wareyê kooperatîfê cinîyan hîra bibê û wina va: “Dayîş û girewtişê ma bi kooperatîfê karê ke mîr kerdêne aver şi. Verê ardanê xo yê ke toximê herême ra girewtêne û dima ra toxim bi xo ramitî. Dima ra her ke şi aver şi. Awankerdişê kooperatîfê herême girîng o. Heta cinî karê xo rê wayîr nêvejîyo, kar nêbeno.”   “Wa cinî bi cesaret bê’   Berîna ke bi 20 serrî yo berardişê ekolojîk kena, tewr peyîn wina va: "Wa cinî baxçeyanê xo rê dest pê bikerê. Wa verê xidayê xo peyda bikerê. Wa cinî bi cesaret bê. Her der beton o labelê bexdenûso ke vazo de yeno ramitene zî bi qîmet o. Merdim tecrubeyê ramitişî bi dest bikero o zaf baş o.”