
Rojnamegeran reaksîyon vera tepiştişê embazanê xo ramojnayî 

2020-10-12 14:46:51


	&nbsp;

	Hîkmet Tunç

	&nbsp;

	WAN - Rojnamegerê ke reaksîyon hemverê tepiştişê meslegdaranê xo dayî û vatî, "Serekîya propagandayê ke qesr de ameyê awankerdene û artêşa trol qîm nêkena, rojnamegerê ke hemverê nê cigêrayîş kenê yenê tepiştiş. La ma fek neqlkerdişê xeberê rast vera nêdanê.”

	&nbsp;

	Wan de 6ê teşrîna verêne de sereştişê keyeyan de muxabira ma Şehrîban Abî, rojnamegere Nazan Sala, muxabirê Ajansê Mezopotamyayî (MA) Adnan Bîlen û Cemîl Ugur, bi îdayê, "hemverê dewlete serebûtê komelî kerdê xeber” ameyî destbednkerdene û dima ra zî ameyî tepiştene. Rojnamegeran reaksîyon hemverê tepiştişê meslegdaranê xo da.

	&nbsp;&nbsp;

	‘Emnîyetê Wanî sere de rojnamegeran vîneno’

	&nbsp;

	Rojnamegere Nîmete Olmez, dîyar kerd ke tepiştişê rojnamegeran ê hemverê qanûnî nîno qebûlkerdene û wina dewam kerd, "Her reya ke ma xeberan taqîb kenê, xêrcê çapemenîya îqtîdarî, ma rojnamegerî zahmetîyê pîlî ancenê. Tewr peyîn zî bi vatişê, 'wa MA xeberan taqîb nêkero kam keno wa bikero’ vindertişê xo dîyar kerdî. Wan de na serre xeylê hedîseyî ameyî meydan. La wexto ke hedîse qewimyenê de emnîyetê Wanî sere de rojnamegeran ewnîyeno, kamerayê înan gêno û destbend keno û tepişneno. Tepiştişê 4 rojnamegeran xêrcê sergirewtişê hedîseyê nê şaristanî ra wetayêr tu çîyêk nîyo.”

	&nbsp;

	‘Ma fek nuştişê rastîyan ra vera nêdanê’&nbsp;

	&nbsp;

	Rojnamegere Zelal Sari zî vera çîyê ke dosyayê rojnamegeran de ameyê nuştene va ke înan tena rojnamegerî kerdo û wina va: “Embazê ma seba ke hedîseyêk qewimya şarî rê neql kerdî, ameyî tepiştene. Wazenê bi no hawa vajê ke 'xeberê ke ma nêwazenê şima nêeşkenê serwîs bikerê'. La ma do yewbînan rê bibê destek û karê xo dewam bikerê û xeberanê xo viraznê.”

	&nbsp;

	‘Rojnamegerî hedef de yê’

	&nbsp;

	Rojnameger Zeynep Kuray zî vat ke tepiştişê rojnamegeran operasyonê heyfgirewtişî yo û wina vat: "Mesaj danê û vanê ke şima nêeşkenê rastîyan binusê. La no nîno qebûlkerdene, tu kes seba xeberêke ameye belgekerdene nêameyê tepiştene. Rojnamegeran xo rê kerdê hedef. Wazenê ke rojnamegeran bêveng bikerê. La ma do karê xo dewam bikerê û bêveng nêmanê. Xeylê rey waştî ke çapemenîya azade bêveng bikerê la serkewte nêbî. Wazenê rastîyan şarî ra binimnê. La ganî raya pêroyî zî rojnamegeran rê wayîr vejîyo. Pêwa pêro astengîyan zî ma do rastîyan şarî rê neql bikerê.”

	&nbsp;