Kuçeyê Serêkanîye ke vilî abîne mîyanê gonî de mendê 2020-10-09 15:07:26   A roje saete derbaz nêbîne, sanîye bîne hezar saete, qêrînayîşê cinî û domanan asmên dirnayîne. Şaristan qîrayîne vatêne, 'ez vêşena la nêrijîyena.' Game vernî û çimî pey de bî. Çimê bi hezaran kesî keye, kuçe û şaristanê înan de bi. Na roje de to vatêne qey merdimayî û wijdan merdê, goşî ker bî, çimî kor û ziwan lal bî. Hêriş û îşxalkerdiş asan nêbi, la xoverdayîş û jîyatîyê domanê a herre zî rêze ra nêbi   Sorgul Şêxo   12 mengî, 365 roj û 8760 saete serê îşxalkerdişê Serêkanîye ra derbaz bi, la eynî hedîse, eynî sanîye, eynî xoverdayîş mi rê seke vizêr yeno. Çend wext derbaz bibo xem nîyo, la her sanîye zerrîwaştîya bi herra welatî reyde gane ya û newe bena.  Dayîkî bi hesrê çimanê xo sanîye, saete û rojan hûmartinenê. Domanî çimê înan asmên de yo. Bi teyareyê ke viraştê û pê kay kenê, wazenê ver bi Serêkanîye şêrê û biperê. Beno ke kuçe û kayê xo nêvînenê la do boy aherre biancê zereyê kezeba xo ya veşnaye û çimê ke vinderteyê şaristanê xo bî, kil bikerê.     A roje saete derbaz nêbîne, sanîye bîne hezar saete, qêrînayîşê cinî û domanan asmên dirnayîne. Şaristan qîrayîne vatêne, 'ez veşêna la nêrijîyena.' Game vernê de la çimî pey de bî. Çimê bi hezaran kesî keye, kuçe û şaristanê înan de bi. To a roje vatêne qey merdimayî û wijdan merdê, goşî ker bî, çimî kor û ziwan lal bi. Hêriş û îşxalkerdiş asan nêbi, la xoverdayîş û jîyatîyê domanê na herre rêze ra nêbi. Nika mabêne ma de tena 25 deqe û çend gamî estê. Do vindertişê ma bi pêvînayîşêk zaf weş û bi mana bi ca bêro, ma nê ra bawer ê. O wext ma do vajê no yo, ma ageyrayî, newe ra ruhê ma gane bi.   Seke vizêr bi, beno ke bi hezaran saetî derbaz bibê, hîn çî ameyê xovîrrakerdene û hîn zî nê. La girîng o yo ke a roje de ê dayîkê ke bi destê xo domananê erşawitî Serêkanîye ke pawitişê bîyayîşê xo bikerê, a/o domana/o ke reya peyîn bi vengê eşnawitişê vengê pîyê xo rê yan zî bi vînayîşêk xatir ci ra waşt. Serêkanî de wayê û bira, bira û bira, pî û laj, pî û kêna cepheyê cîya de şer kerdî, hîn şehîd bî û bi a gonîya xo herra Serêkanîye awe dayî. Hîn kesan parçeyê bedenê xo vindî kerdî, hîn kesan zî kuç ebi kuç eheta peynî şer kerdî. Sanîyeyê xoverdayîşê Serêkanîye nika mezgê her kesekî ra derbaz beno. Vîrardişê Serêkanîye nika reyna gane bî, birîna ke qalik nêgirewta reyna gonî rejnena.   Mektebê taxe, qeza û dewî vêrîye domananê xo kerdê ke reyna înan ko bikerê û perwerde bikerê. Kuçeyan vêrîye civatê dayîkan, boya ke kulturê merdimayî înan ra yena kerdê. Parkê Ş.Bêrîvan û Mişwar vêrîye welatîyê ke ameyîne serdayîş kerdêne ke çend sanîye boya xo bidê, kerdê. Radyoyê Waşûkanî vêrîye neqlkerdişê şodirbaşêk kerdo. Cinîyê ke nika bi  hişmendîyê îşxalkerdişî reyde rî bi rî mendê, waştişê agêrayîşê herêma xo ya asayîş û rêxistinê cinîya ke heq, bîyayîş û erjê ci pawitine kerda. Beno ke ziwan tersan ra nêvajo la zerrî her wextî ra zêdeyêr wazena.   Serêkanîye ke bi rengê xo yê kesk, sûr û zer xemilyayîne nika bi rengê sîya û hişmendîyê nijadperestî reyde rî bi rî menda. Serêkanîye sey nika yen avîrê mi û dîmenê aye hişê mi ra derbaz benê ke senîn şarê ci mîyanê hizûr de ciwîyayîne û sanîyeyêk de pêro çî vuryayî. Xoverdayîşê Serêkanîye wina pîl bi. Kuçeyê Serêkanîye ke vilî akerdebî nika mîyanê gonî de mendê. Rîyê Serêkanîye çelmisîya ke fotograf û  dîmenan de mîyanê serrêk de aseno, rincanbîyayîşê ci zî îşxalkerdişî vejeno teber.