Cinîyê Rihayijî komplo şermezar kerdî: Çareserî Îmralî de yo 

2020-10-06 14:36:37


	 

	RIHA - Cinîyê Xelfetijî derheqê 22in sergerra komployê 9ê teşrîna verêne ke hemverê Abdullah Ocalanî ame kerdene de qisey kerdî, komplo şermezar kerdî û vatî ke çareserî Îmralî de yo.

	 

	Bi vetişê Rayberê PKKyî Abdullah Ocalanî Sûrîye ra 9ê Teşrîna Verêne 1998 de bi hemkarîya xeylê dewletan "Komployê mîyanneteweyî" ke ame destpêkerdene 22 serrî pey xo de verda. Netîceyê komployê mîyanneteweyî de, Abdullah Ocalanî 15 Sibata 1999 de Kenya ra ardî Tirkîya. Dimayê nê zî berdî Girawa Îmralî ke Qezaya Mudanya ya Bursayî de ya û 22 serrî yo binê tecrîdêko girankerde yo.

	 

	Serê komployî ra 22 serrî derbaz bi

	 

	Komployê mîyanneteweyî û tecrîdê ke roj bi roje yeno girankerdene, welat û xeylê cayê Ewropayî û Rojhelatê Mîyanên de yeno şermezarkerdene. Bi milyonan kesî Azadîya Abdullah Ocalanî waşt û seba ke tecrîd bi peynî bibo çalakî kerdî. 22ê serrgera komployî de zî her kes nê komployî şermezar keno û veng dayî ke wa tecrîd bêro peynîkerdene. Cinîyê qezaya  Xelfetî ya Rihayî zî komployê mîyanneteweyî şermezar kerdî û vatî wa ganî Abdullah Ocalan bêro veradayene.

	 

	'Vat ez şorişgêr a û şi'

	 

	Dewa Cîbînî ya Xelfetî ke Abdullah Ocalanî domanîya xo de demêk ci de mendo, dayîka embazê ci Huseyîn Sariçîçek, Seher Sariçîçek komplo şermezar kerd û vat: "Dewa înan nêzdîyê dewa ma bî û lajê mi dir embazî kerdêne. Dewa ma ra şîne mektebe. Her wext ameyîne verê mi û vatêne ti senîn a? Persê mi kerdêne. Merdimêk rêzdar û nêwaştêne ke tu kesî aciz bikero. Vat, ez şorişgêr a û şi. Têkilîyê ey her kesî dir baş bi. Lajê mi dir şîne mektebe. Dimayê ke mektebe ra vejîyayîne, ameyîne keyeyê ma werd werdêne. Lajê mi zî Colemêrgî de qetil kerdî. Vatêne, 'Bi Apo reyde meşerê meyerê.’ La ey tu kes aciz nêkerdêne. Ganî Rayber Apo azad bo."

	 

	‘Waştî rayîrê cinîyan bigîrê’

	 

	Leyla Ersoy ke Xelfetî de manena zî vat ke komplo seba kurdan xemgînîyêk pîl bi û wina dewam kerd, "Komplo seba astengkerdişê azadîya cinîyan gamêk bi. Waştî cinîyan asteng bikerê. La xeylê cinî îradeyê xo wayîr vejîyayî û nêverdayî ke îradeyê înan bêro şiknayene. Îradeyê Şarê Kurdî nêşikitî la şîdetêk pîl kerdî. Tepiştişê rayberê kurdan tewr zêde bi hêz kerd. Kurdan waşt ke ganî Tirkîya bizano ke nêeşkena rayîr vernîya kurdan bigîra."

	 

	‘Çareserî Îmralî de yo’

	 

	Sevîm Keskîn ke Xelfetî ra ya dîyar kerd ke komployê hemverê Abdullah Ocalan û tepiştişê ci binê tecrîdî de seba kurdan cayê xemgînî yo û wina vat, "Dimayê komplo û tecrîdî hemverê kurdan hêrişê nijadperest zêde bî. Bîyayîşê Ocalanî bi biyayîşê cinî û şarî. Seba nê prosesê bîyaye zî çareserî Ocalan o. Nê prosesî de tewr zêde cinî bi tesîr bî. Seba ke domanê înan yenê kiştene.  Ma hemverê komplo û tecrîdî bêveng nêmanê. Ma cinî vindertişê xo ramojnenê. Rayîrê çareserî Îmralî yo.”