'Ma fek dewaya domananê xo ra vera nêdanê' 

2020-10-04 14:11:39


	 

	Rojda Seyidxan

	 

	QAMIŞLO - Dayîkê ke çalakîya “Dayîkê Gerîla” dest pêkerdê, derheqê amancê hemleyê xo û averşîyayîşê ci de wina vat: "Bi demêko derg o ke reyna gonîwerê serwer hêrişê Kurdistanî kenê, çalakîya ma zî hemverê nê hêrişan o. Helwestê ma dîyar o, ma aştîyêke mende wazenê. Ma do fek dewaya doman û pakrewananê xo vera nêdê."

	 

	Dayîkê Rojawanê Kurdistanî hemverê kerdiş û hêrişê dewleta tirkî yê serê koyê Kurdistanî û bêvengîyê mîyanneteweyî, hemleyê “Dayîkê Gerîla “ dest pêkerd. Çarçewaya nê hemleyî de çalakîyê tewir tewir yenê kerdene. Nika zî nê dayîkî çalakîyê xo hewteyê hîrên de dewam kenê. Hewteyo yewin de hemverê hêrişê ke koyê Kurdistanî hedef gênê de eşkerayî ameye dayene. Hewteyo diyîn de zî paştdayîşê kampanya KCKyî kerdî. Sewbîna hewteyê hîrên de awankerdişê baragehê leşkerî yê serê sînorê Başûrî Kurdistanî şermezar kerdî. Derheqê nasnayîşê amancê hemleyî û averşîyayîşê ci de dayîkê ke beşdarê hemleyê “Dayîkê Gerîla” bîyê ma rê ewnîyayîşê xo ardî ziwan.

	 

	'Ma fek dewaya xo ra vera nêdanê' 

	 

	Îdarekara Kongreya Starî ya şaristanê Qamişloyî Menîce Heyder amancê çalakîya, “Dayîkê Gerîla” arde ziwan û wina va: "Ma nê sîyasetê ke serê Kurdistanî de yenê kerdene, şermezar kenê. Tu kes nêeşkeno ma û domananê ma yewbînan ra bivisno. Do amancê îqtîdaran bi ca nêro. Bi awankerdişê sînoran ê mabêne şarê Kurdî yê do îqtîdar nêresê amancê xo. Amancê ma o yo ke ma helwestê raya dinyayî seba bêvengîya hemverê kerdişê hetê dewleta tirkî ke serê ma de kenê, bivurnê. Lazim o çareserîyêk mende nê dir bêro vînayene. Dişminê ma hemine hetan ra bi yewbînan kerdê û reyke bîn zî Kurdan xo rê bikerê kole. Helwestê ma dîyar o, ma aştîyêk mende wazenê. Ma do fek dewaya doman û pakrewananê xo vera nêdanê."

	 

	'Lazim o heme dayîk û cinî hemverê zulmî têkoşîn bikerê'

	 

	Îdarekara Kongreya Starî ya Taxa Enterîyî, Emîna Salihe serê pêrodayîşê hemleyê, “Dayîkê Gerîla” de wina vat: "No demêko derg o ke reyna gonwerê serwerî hêrişê Kurdistanî kenê. Çalakîya ma zî hemverê nê hêrişî yo û ma tede aver şênê. Bi xêrê têkoşînê domananê ma, ma dinya terorê DAIŞî ra xelas kerd. Nika zî domanê ma Kurdistan de rastê teyareyê dewleta tirkî yenê. Ma paşta domananê xo de yê û ma dewaya xo de wayîrê qerarî yê. Lazim o pêro dayîk û cinî hemverê kerdişanê qirkerdişî têkoşîn bikerê."