
Keyeyî gerreyê xo peyser ant, gumanbar serbest ame veradayene 

2020-10-01 14:34:02


	&nbsp;

	MÊRDÎN - Mîdyatê Mêrdînî de camêrdo bi nameyê Ezber Akyuz, hemverê domane hêrişê cinsî kerdib, dimayê 12 rojî tepiştişî serbest ame veradayene. Welatîya gumanbarî taxe ra qewernayî.

	&nbsp;

	Qezaya Mîdyatî ya Mêrdînî de 4ê êlule de camêrdo bi nameyê Ezber Akyuz, hêrişê cinsî domane rê kerdib. Serrê gerrekerdişê keyeyî de gumanbar ame destbendkerdene û dimayê îfadeyî ame veradayene. Keyeyî reya diyîn şi qereqolî gerre kerd û 10ê êlûle de Ezber Akyuz ame destbendkerdene û sûcê ‘Hêrişa cinsî yê hemberê domanan' de ame tepiştene. Domane ke îfadeyê ci Merkezê Taqîbkerdişê Domanan de ame girewtene dîyar kerd ke hêrişê cinsî hetê Ezber Akyuzî ra ameyo kerdene. Gumanbaro ke 12 rojî tepişte mend, dimayê ke keyeyî gerreyê xo peyser ant, serbest ame veradayene.

	&nbsp;

	Cinîyan gerre kerd

	&nbsp;

	Welatîyê taxe dîyar kerdî ke mabêne gumanbar Ezber Akyuz û keyeyê domana ke hêrişê cinsî ci rê ameyo kerdene de pêrodayîş vejîyayo û di kesî birîndar bîyê. Welatîyan vat, Ezber Akyuz 6 rojî ra dima ameyo destbendkerdene. Cendermeyê ke seba îfade bigîrê şî taxe û xeylê cinîyan gerre kerd.

	&nbsp;

	Gumanbar taxe ra ame qewernayene&nbsp;

	&nbsp;

	Gumanbar Ezber Akyuz ke serê peyserantişê gerreyê keyeyî de ame veradayene, hetê welatîyê taxe ra ame qewernayene.

	&nbsp;