
'Edaletê Erdoganî tena seba dizd û bazirganan esto'  

2020-10-01 13:49:11


	&nbsp;

	MÊRDÎN - Abdulkadîr Kuday ke zîndanê Tîpê F yê Hûmara 2yê Tekîrdagî de maneno, ame dîyarkerdene ke linganê xo ra felç bîyo û nêberdo nêweşxane. Dayîka Abdulkadîrî, Salîha Kuday reaksîyon vera rewşe da û vat: "Edeletê Erdoganî tena seba dizd û bazirganan esto."

	&nbsp;

	Zîndanê Tîpê F yê hûmara 2yê Tekîrdagî bi sebebê vîrusê korona menga Adare ra nêweşan nêbenê nêweşxane. Abdulkadîr Kuday ke 47 serrî yo eynî zîndan de yeno tepiştene û ame zaneyene ke felç bîyo, dayîka ey Sakîne Kuday dîyar kerd ke pêwa lajê aye linge xo ra felç derbaz kerdo zî nêameyo dermankerdene û nêberdê nêweşxane.

	&nbsp;

	'Lajê mi nêberdê nêweşxane'

	&nbsp;

	Sakîne dîyar kerd ke lajê aye rê cezaya muebetî ci rê ameya birnayene û 6 serrî yo tepişte yo û vat: "Serrê vîyarte de sereştişê koxuşan de dayîne hepsîyan ro û nê ser de paştî û çokê lajê mi dejayî. Lajê mi pêvînayîşê peyîn de bi papulîkan ame verê ma. Serrê vîyarte de eştî serê koxuşa înan. Seba pêrodayîşo ke ame kerdene de bi rojan mîyanê nivînan de mend. Nika çokê ey rast felç bîyo û nêeşkeno wirzo pay. Bi mengan o bi sebebê vîrusî nêbenê nêweşxane. Gelo no edalet o. Ez bi serran o, bi hesreta lajê xo ya. Tekîrdag durî yo. Pêwa ma desan rey waştişname da zî sewqê cayê ke nêzdîyê ma yê, nîno kerdene."

	&nbsp;

	'Êdî bes o'

	&nbsp;

	Sakîne dewam de reaksîyon vera nêdermankerdişê lajê xo da û wina vat: "Lajê mi bi mengan o dej anceno. Erdogan, qanûnê to qanûn nîyê. Çira ti wina kenê. Lajê mi seba dejê ganê xo bêhal o. Bi serran o ez nêeşkena şêra verê lajê xo. Êdî bes o. Tay mendo lajê mi seqet bimano. Ma nêzanê rewşa ci senîn a."

	&nbsp;&nbsp;

	&nbsp;