Amed de sereştişê keyeyan: Xeylê kesî ameyî destbendkerdene 2020-09-30 14:53:47       AMED - Sereştişê keyeyê ke serê sibayî ameyî kerdene de xeylê kesî ameyî destbendkerdene. Ame dîyarkerdene ke operasyonî hemverê HDP, TJA û sazgehê rêxistinê sîvîl ameyî kerdene.   Çarçewa cipersayîşêkê Serdozgerîya Komare ya Amedî de bi hawayêkê hemwextî Amed de sereştişê keyeyan ame kerdene.   Sereştişan de Hemşaredara Gêlî Gulîstan Ensarîogluya ke wezîfeyê ci ra ameya girewtene, rojnameger Hakki Boltan, îdarekarê Partîya Demokratîke ya Şaran (HDP) yê bajarî Edîp Bînbîr, endamê Meclîsê Şaredarîya Sûrî yê HDPyî Omer Filitoglu, emdamê Kongreya Îslamê Demokratîkî (DÎK) Mele Naîf Erdem û Mele Emîn Ay, endamê ESMyî yo ke pabesteyê Konfederasyonê Sendîkaya Kedkaranê Rayapêroyî (KESK) yo Medenî Tutşî û îdarekarê verênî yê HDPyî Çîgdem Ektî û Mekîye Guzel ameyî destbendkerdene.