Endema Meclîsê Ciwanan ê HDPyî Şîlan: Ma nêtersenê  

2020-09-30 14:15:21


	 

	MÊRDÎN - Endama Meclîsê Ciwanan ê HDPyî Şîlane Ozkan, dîyar kerd ke hemverê polîtîkayê teda û pelçiqnayîşî xebatan dewam kenê û va, sewbîna seba xebitnayîşê tîryakî, fuhuş û asîmîlekerdişî do xebetan dewam bikerê, yewin cewabê înan do têkoşîn bo.

	 

	Endamê Meclîsê Ciwanan ê Partîya Demokratîke ya Şaran (HDP) lhemverê tedayan xebatanê xo dewam kenê. Endama Meclîsê Ciwanan ê HDPyî Şîlane Ozkan derheqê babete de ajansê ma rê qalî kerde.

	 

	Şîlane, dîyar kerd ke hem herême hem zî şaristanê rojawan de serê embazanê înan de tedayê cidî estê û ciwanî hemverê nê xo ver danê û vat: "Ma hetê kesê ke nasnameyê înan nêdîyar ra rastê tehdîdan yenê û ajanî yena ferzkerdene. Bi merg û tepiştişî tehdîd kenê. Ma endamê meclîsê ciwanan ê partîyêke sîyasî yê. Partîyê bînan de zî nê bernameyî estê. La tena bernameyê ma yenê astengkerdene. Ma rastê tedayan yenê. Bi serran o remnayîş û hedîseyê tacîzî dewam kenê."

	 

	'Her ca de ma yenê taqîbkerdene' 

	 

	Şîlane vat ke xeylê rey ameya taqîbkerdene û tacîzkerdene û wina dewam kerd: "Mesajê nimteyî yenê. Sîstem her hat ra wazeno ma bikero ablûqa. Tena hemverê mi ney, hemverê ma hemine. Xebatê ma yenê astengkerdene. Ma yenê tepiştene û tehdîdkerdene. Bi serran o wina dewam keno."

	 

	'Nêeşkenê ma bitersnê'

	 

	Şîlane tewr peyîn bale ante serê polîtîkayê lêşin ke yenê kerdene û vat: "Ma xebatanê xo îlegal nêkenê. Heme xebatê ma sîyasî yê legal ê. Ma hemverê tîryakî, fuhuş û asîmîlasyonî têkoşîn kenê. Cewabê ma yo tewr pîl do no bo. Ma nêtersenê û do nêeşkê ma bitersnê."