Sîyasetmedarê ke ameyî destbendkerdene ardî edlîye  

2020-09-28 14:14:40


	 

	ENQERE - 20 sîyasetmedarê ke bi sebebê “Cigêrayîşê Kobanî” ameyî destbendkerdene, Mudûrîyetê Polîsan ê Enqereyî de ameyîne destbendkerdene û ardî Edlîyeyê Enqereyî. 

	 

	Serê fermanê Serdozgerîya Komara ya Enqereyî endamê Heyetê Îdarekarîyê Merkezî (MYK) ê Partîya Demokratîke ya Şaran (HDP) yê verê û bi temamî 20 sîyasetmedar 25ê êlûle de ameybî destbendkerdene. Sîyasetmedarê Mudûrîyetê Polîsan ê Enqereyî ameyîne destbendkerdene, ewro ardî Edlîyeyê Enqereyî. Sîyasetmedarê destbendkerdeyî do vejê 3in Dadgeha Cezaya Sulhî. Derûdorê edlîye hetê polîsan ra ame abluqakerdene.

	 

	Kesê ke ameyî destbendkerdeyî;

	 

	Hemşaredarê Qersî Ayhan Bîlgen (Qers), Endamê MYKyî HDPyî yê nika Alp Altinors (Enqere), Endamê Komîsyonê Têkilîyê Teberî yê HDPyî Nazmi Gur (Enqere), Parlamenterê HDPyî yê Amedî yê verê Altan Tan (Amed), Parlamentera HDPyî ya Êlihî ya verê Ayla Akat Aka (Amed), Hemsereka Pêroyî ya DBPyî ya verê û parlamentera verê Emîne Ayna (Amed), Endamê Şandeyê Îmraliyî û Parlamenterê HDPyî yê verê Sirri Sureyya Onder (Stenbol), endamê MYKyî HDPyî yê verê Bîrcan Yorulmaz (Stenbol), Gulfer Akkaya (Stenbol), Berfîn Ozgu Kose (Stenbol), Dîlek Yagli (Stenbol), Can Memîş (Stenbol), Gunay Kubilay (Stenbol), Bulent Parmaksiz (Stenbol), Zekî Çelîk (Hesabgirê Pêroyî - Balikesîr), Pervîn Odûncû (Îzmîr), Îsmaîl Şengun (Stenbol), Alî Urkut (Amed), Cîhan Erdal (Stenbol) û Prof. Dr. Emîne Beyza Ustun (Stenbol).