
'Aştî bi wedaritişê tecrîdî mimkun a' 

2020-09-28 13:13:47


	&nbsp;

	Şehrîban Abî

	&nbsp;

	COLEMÊRG - Dayîkê Aştî dîyar kerdî ke aştî bi wedaritişê tecrîdê serê Rayberê PKKyî Abdullah Ocalanî caardişê û vatî şarê Kurdî bi serran o teda, îşkence û kiştiş vînenê. Dayîkê Aştî sewbîna dayî zanayîş ke do no heta key dewam bikero.

	&nbsp;

	Rayberê PKKyî Abdullah Ocalanî &nbsp;Îmralî de binê tecrîdî de yeno tepiştene. Muracatê pêvînayîşî yê keye û avûkatan yenê redkerdene û cewab nîno dayene. Endamê Meclîsê Dayîkê Aştîye yê Colemêrgî reaksîyon vera tecrîdî dayî û bale antî serê teda serê kurdan û vatî ganî aştî bi ca bêro.

	&nbsp;

	'Heta Abdullah Ocalan azad nêbo aştî zî bi ca nîna'

	&nbsp;

	Azîze Armut dîyar kerd ke yewin waştişê aye aştîye yo û vat: "Aştî seba heme şaran yena manaya hizûrî. Dewleta tirkî vana ke Kurdî çin ê. Her çî anê serê kurdan. Îşkence, tepiştiş û hêrişan kenê. Pêwa nînan ma reyna aştîye qîrenê. Mi heta nê emrî hizûr nêdî. Bi taybet 18 serrî yo hîna xira bîyo. Xêrcê zulmî çîyêk çin o. Aştî bi azadîya Ocalan mimkun o. Gelo do nê mergî û kiştişî heta key dewam bikerê."

	&nbsp;

	'Ganî yewîye bêra awankerdene'

	&nbsp;

	Amîne Amudar zî tecrîd şermezar kerd û wina vat: "Êdî bes o, no şer biqedîyo. Heta yewîya şaran çinbo do ne aştî, ne têdûştî û ne zî azadî bêro. 22 serrî tecrîd dewam keno. Wa bi Abdullah Ocalan dir hepsîyê bîn zî bêrê veradayene."

	&nbsp;

	'Ganî îqtîdar zî aştîye biwazo'

	&nbsp;

	Gulê Polat zî dîyar kerd ke şarê Kurd aştîye wazena û wina vat: "Na dinya de cayê ma hemine esto. No welat ê ma yo zî. Her ke ma vanê aştî, peyserê ci kenê. Bi azadîya Abdullah Ocalanî do aştî bêro. Caardişê aştîye qet zehmet nîyo."

	&nbsp;

	&nbsp;

	&nbsp;