
Cinî dadgehan de ney medyaya komelî de heq geyrenê 

2020-09-27 15:05:45


	&nbsp;

	STENBOL - S.Ç. ya rastê şîdetê mêrde ameye û bi têkoşînê dest mêrdeyê ke zewicnayebî vera da hema zî rastê tehdîdî yena. S.Ç. dîyar kerd ke polîtîkayê bêcezabîyayîşî û munaqeşeyê Pêameyîşê Stenbolî rayîrê nê akerdo û vat, ne dadgeh, medyaya komelî bîye cayê cigêrayîşê heqî.

	&nbsp;

	Serrê peyîn de paştdayîş û têkoşînê hempar yê ame ke dayene hêz dano cinîyan. Cinîyê ke rastê her tewir şîdetî camêrdan yenê, paştdayîş vînenê vengê xo berz kenê û bi qerar cesaret gênê. S.Ç ya derheqê cuya xo de qerarê girîng girewt bi têkoşînêk pîl fek camêrdo ke ci dir zewicnayebî N.Ç ra vera bido. S.Ç şîdeto ke dî û çîyê nê prosesî de cuya qalî kerd.

	&nbsp;

	‘Ceza çin a’

	&nbsp;

	S.Ç dîyar kerd ke netîceyê şîdetê sîstematîk de qerarê veradayîşî daya û vat: “N.Ç tehdîdê xo serê medyaya komelî de pare kerd. Gerreyê mi ageyrayî dewa, la hema zî qerarêk nêameyo girewtene. Kelepçe elektronîk N.Ç. rê dayî la vet. Tena 4 rojî cezaya hepsî dayê. Seba nê ez endîşeyîn a.

	Polîtîkayê bêcezabîyayîşî cesaret dano camêrdan. N. zano ke ceza çin a û parekerdişanê xo keno. Vano, ‘belê ez tehdîd kena, cezayê çîyê ke kena şenik ê.’ Mi xeylê rey gerre kerd. La ceza nêgirewt û tehdîdî dewam kerdî. Seba parekerdişê medyaya komelî zî ceza nêdayê.”

	&nbsp;

	‘Edalet medyaya komelî de yo’

	&nbsp;

	S. dîyar kerd ke yewin rayîrê hemverê bêcezabîyayîşî medyaya komelî yo û wina vat: “Cinî êdî serê medyaya komelî de heq wazenê. No şermê huqûqê dewlete yo. Ma çend vengê xo berz bikerê, hende do vernîya kiştişê cinîyan bêro girewtene. Serê medyaya komelî de edalet geyrenê. Bi rastî ez bi xemgînî taqîb kena.”

	&nbsp;

	‘Pêameyîşê Stenbolî bi ca bîyatê şîdetî bêro girewtene’&nbsp;

	&nbsp;

	S. bale ante serê munaqeşeyê derheqê wedaritişê Pêameyîşê Stenbolî de û vat: “Ganî pêameyîşêk sey Pêameyîşê Stenbolî girîng nîno munaqeşekerdiş. Seba nê pêameyîşê wina hîra yo ke tena derheqê şîdetî de nîyo. Yeno amanckerdiş ke heme têduşt bê. Nê hîrê mengê peyîn de xeylêk cinî ameyî qetilkerdene û rastê şîdetî ameyî. Derheqê nînan de tu çîyêk nîno kerdene. Ez zî rastê şîdetê psîkolojîk û vatişî yena. Ganî cezaya nê şîdetan biba. Ez nêwazena xeberan biwana. Seba ke heme şîdet û kiştişê cinîyan o. Eke pêameyîşê Stenbolî bi ameyîne ca do vernîya şîdetî zî biameyîne girewtene.“

	&nbsp;