Dewaya Ceylan Onkul de 11 serrî yo bêadeletî dewam kena 

2020-09-26 15:16:12


	 

	AMED - Dewaya Ceylan Onkul ya 12 serrî ke Licê bi topê hewanî qetil kerdî tu averşîyayîş çin o û bêedaletî dewam keno zî 11 serrî pey xo de verda.

	 

	11 serrî verê 28ê êlule de Ceylane Onkol ya 12 serrî qezaya Licê ya Amedî de mezrayê Xambazî ya dewa Şenlîk de wexto ke pesî çerênayîne, bi topê hewanî ameye qetilkerdene. Dewaya seba asayîşê canî, nêşî cayê serebûtî, cenezaya Ceylane 6 saetan erd de mend. Pêwa 11 serrî derbaz bi zî berpirsîyarî nêameyî muhakemekerdene.

	 

	Temsîlkara Hemserekîya Pêroyî ya ÎHDyî avûkat Rahşane Bataray vat, dewaya bi serran o dewam kena averşîyayîşêk çin a û vat: "Semedo ke muhakemekerdiş bi serran o dewam keno, ma fikrîyenê ke şêrê Dadgeha Desturê Bingeyîn (DDB). Seba DDB muhakemekerdişêk hende derg sey îhlalkerdiş vîneno. Sewbîna do dadgehe îdarî zî têkoşînê ma yê huqûqî dewam bikero."

	 

	'Daniştay qerar xira kerd'

	 

	Rahşane vat, 11 serrî qedîyayo û kewto 12 serran û wina vat: "Prosesê huqûqî dewam keno. Dadgeha Heqê Merdiman ê Ewropayî (DMME) û Tirkîya zî lingê dadgeha îdareyî esto. Wextê ke proseso newe dest pêkerd, serebûte têkoşînê bi terorî dir hûmara 5233 de çarçewaya tazmînê ziraro ke ameyo ciwîyayîş de ame ercnayîş. Ma îtîraz kerd û ma vat, qusurê xizmetî yo. Dozger û îdareyî vat, o ware hetê dewijan ra ameyîne xebitnayene û Ceylane ci de kay kerdêne. No het ra cigêrayîş dest pêkerd. La Daniştayî qerar xira kerd. Ma şî rayîrê temyîzî. Çeleyê 2019 de qerar da. Qerar xira kerdî û vat, xizmet de qusur esto û newe ra erşawit."

	 

	'DMME vat îhlalkerdiş çin o û muracat red kerd'

	 

	Rahşane dîayr kerd ke serê ageyrayîşê Daniştayî dir serrêk derbaz bîyo, vera ke dadgehe qerar bida, hema qerar nêdaya û vat: "Seba dosyaya dozgerîye zî qerarê ci nîno dayene û berpirsîyarî nînê tespîtkerdene, dosya ameye girewtene. Na çarçewa de ma muracatê DMMEyî kerd. Muracat de seba tespîtêk îhlalkerdişî nêame kerdene zî qerarê red ame dayene. Çi heyf, Tirkîya de hedîseyê wina de bêcezabîyayîşêk cidî esto. Heta ke no wina bo zî do sûc zêde bo. Ma do her wext taqîbkerdoxê dewa bê. Ma fikrîyenê ke şêrê Dadgeha Berz."