Mergê bigumanî rojeva TJAyî de yê 

2020-09-26 14:48:17


	 

	MÊRDÎN - Aktîvîsta TJA û hemsereka DBPyî ya Mêrdînî Şukrane Erol dîyar kerd ke do çarçewaya kampanyaya TJAyî dayê destpêkerdene, 'Ma xo pawenê' de do dewe bi dewe bigeyrê û xebatanê xo bikerê û vat, do bi cigêrayîşan merdişê bi guman yê cinîyan dest bi xebatanê xo bikerê.

	 

	Tevgerê Cinîyê Azadî (TJA) 15ê êlule de kampanyaya, ‘Ma xo pawenê' dayî destpêkerdene û Mêrdîn de zî startê ci ame dayene. Kampanya do 4 menga dewam bikero û merdişê cinîyan ê biguman û îstîsmar bêrê cigêrayîş. Cinî do  tax bi taxe bigeyrê û cinîyan dir bêrê têhet. Aktîvîsta TJA û hemsereka DBPyî Mêrdînî Şukrane Erol kampanya ercna û vat, do hemverê polîtîkayan xo bipawê.

	 

	Şukrane vat, hedîseyê sey Mûsa Orhanî yê demê peyîn de reyke de nêvejîyayî werte û vat: "Wazenê cinîyan biancê nê polîtîkayê lêşin. La bi serran o, ma ferqê ci de yê. No çîyêk newe nîyo. Ma hemverê nê serê lingan de yê. Ma cinî ma do xo bipawê. Ma do her ware de têkoşîn bikerê."

	 

	'Ma do şêrê dewê ke merdişî ameyî ciwîyayîş'

	 

	Şukrane dîyar kerd ke 5 mengê peyîn de 9 cinî bi guman merdê û vat: "Şaristan de seba polîtîkayê bi serran o dewam keno, merdişê cinîyan zî nêvendenê. Bi nê kampanyaya ke ma daya destpêkerdene ma do merdişê cinîyan yê biguman cigêrayîş bikerê.  Serebûtê peynî bi taybet dewan de yenê ciwîyayîş. Ma vînenê ke cinî rastê teda û şîdet yenê. Ma do çarçewaya kampanyayan de şêrê dewan. Ma do bivînê ke cinî çi ciwîyayî. Ma do bi keyeyan dir qisey bikerê."