
Roniştişê îstîsmarê cinsî 16ê teşrîna verêne de yeno vînayene 

2020-09-21 09:34:43


	&nbsp;

	MÊRDÎN - Serê gerrekerdişê domanî/a ke rastê îstîsmarê cinsî dir ame/ye, gumanbar Huseyîn Dervîş ame tepiştene û yewin roniştişê ci 16ê teşrîna verêne de bêro vînayene.

	&nbsp;

	Qezaya Qoserî ya Mêrdînî de teşrîna verêne 2019 de domanêk/e hetê keso ke bi nameyê Huseyîn Dervîşî ra rastê îstîsmarê cinsî ame/ye. Ame zanayene ke Huseyîn Dervîş domanî/e bi vatişê, 'kesî ra mevaje' tehdîd kerdo.

	&nbsp;

	Dimayê ke domanî/e hedîse mektebe de mamsoteyê xo ra vat, heme çî vejîya meydan. Mamosta smuracatê sûcî kerd û verê psîkologî de îfadeyê domanî/e ame girewtene. domanî/e îfadeyê xo de dîyar kerd ke hetê Huseyîn Dervîşî ra rastê îstîsmarî ameyo/a û dima ra ameyo/a tehdîdkerdene.

	&nbsp;

	Ame tepiştene

	&nbsp;

	Huseyîn Dervîşî 20ê teşrîna verêne 2019 de ame destbendkerdene û sûcê ‘îstîsmarkerdişê cinsî yê domanî/e', ‘kesî/e azadî ra bêparverdene’ ra ame tepiştene û erşawitî Tîpê E yê Mêrdînî. Huseyînî, îfadeyê xo de sûcdarî qebûl nêkerd û hewl da ke xo pak vejo.

	&nbsp;

	Roniştiş 16ê teşrîna verêne de bêro vînayene

	&nbsp;

	Dimayê gerrekerdişê domane, çarçewaya tehqîqatî de îdianame ame amadekerdene û hetê 5in Dadgeha Cezaya Giran ya Mêrdînî ra ame qebûlkerdene. Îdianameyî de raporê pedagog zî cagirewt û ame tesdîqkeerdiş ke doman/e rastê îstîsmarî ameya. Roniştiş do 16ê teşrîna verêne de bêro vînayene.

	&nbsp;