
Çimeyê şîfayî: Şîlane 

2020-09-20 15:47:01


	&nbsp;

	Gul Guzel

	&nbsp;

	MERKEZÊ XEBERAN - Şîlana ke bi rîçal, marmelat û çaya xo ya zimistanî yena serê sifranê ma, çimeyê xeylê nêweşîyan yen pêşnîyarkerdene.

	&nbsp;

	Şîlane bi qaso ke seba xeylê nêweşîyan bi şîfayê, rîçal, çay, xoşaf û marmeleta do zî serê sifreyan cayê xo gêna. Şîlane, payîzî de resena. Şîlana wişkkerde û toximê ci viraştişê dermanan de bi hawayê cîya yenê xebitnayene. Vilê şîlane zî dermanê tibî, parfum, awa gulan de yenê xebitnayene. Bi taybetî zî seba xurtkerdişê sîstemê xopawitişî sey çay, marmelat û rîçal yenê xebitnayene. Eke rast bêra demkerdene û goreyê mîqyasê bêra xebitnayîş, xeylê şîfayî ci esta.

	&nbsp;

	Şîlane ke seba madeyê organîk ci de estê û antîoksîdanan kolestrolê bedenî kêm kena. Hemverê krîzê qelbî û felcî zî xeylê bi tesîr o. Şîlane seba îltîhabê wucudî zî baş a. Hetê vîtamînê C de zî dewlemend a. Şîlan sîstemê xopawitişî xurt kena û seba vîtamînê C yê ci de yo, seba şube û serdî rê zî zaf baş o. Sewbîna rîşa merdimwere û nêverdena hucreyê bi zirar zêde bibê.

	&nbsp;

	Şîlane sewbîna seba nêweşîya şekir zî çimeyêk şîfa ya. Sewîyeya şekirî sererast kena. Seba çerm zî baş a û çerm hîna ciwan û gane kena. Seba dermankerdişê îltîhabê, weşîya esteyan rolêk pîl kay kena. Dermankerdiş de semptomê romatoîd artrîd û osteoartrîd zî baş a. Seba qebzbîyayîşî zî bi feyde ya û parazîtê roqelan fînena.

	&nbsp;

	Çaya şîlane

	&nbsp;

	Seba nîm lître awa girnaye, di koçikê werdî şîlana wişke bes a. &nbsp;10 deqeyan serê adirî de bigirnê û dima ra bişimnê. Seba tehmê ci merdim eşkeno koçikek nane yan zî nebatêk bîn bixebitno.

	&nbsp;

	Madeyo ke merdim baldar bo oyo ke wexto ke çaye yena amadekerdene, ganî şîlane demêk derg rastê germî nêro. Germo zêde de vîtamînê ci vindî benê. Nuqtayêk bîn zî oyo ke &nbsp;firaqê alumînyum de vîtamînê C vindî beno. Çaye de merdim eşkeno bi koçikek hingimîn yan zî şekir bêra şîrînkerdene. Yan zî tarçin, qerenfîl, sa eşkena bixebitnê.

	&nbsp;

	Rewşa xebitnayîşê zêde ya çaya şîlane de, nîşaneyê seke dejê &nbsp;serî, virtiş, tirşbîyayîşê mîde û hewnî vejîyo werte. Seba nê ganî zêde nêra xebitnayene, kesê ke nêweşê kronokê ganî muracatê &nbsp;doktorî biketî û wina bixebitnê.

	&nbsp;