Xelatê Rojnamegerîye yê Musa Anterî eşkera bîyî 

2020-09-18 14:26:43


	 

	STENBOL -  Xelatê Rojnamegerîye yê Musa Anterî û Şehîdê Çapemenîya Azade ameyî eşkerakerdene. Musabeqa de 5 kategorîyan de xelatî yenê dayene.

	 

	Xelatanê Rojanmegerîye û Şehîdê Çapemenîya Azade  Çapemenîya yê Musa Anterî hetê Yeni Yaşamî ra yena serûberkerdene dîyar bi. Musabeqa de 5 kategorîyan de; xebera tirkî, xebera kurdkî, fotograf, karîkatur û seba vîrameyîşê Gurbetellî Ersoz rojnamegerîya cinîyan de xelatî yenê dayene.

	 

	Wayîrê xelatan wina yê:

	 

	Xebera kurdkî: Fahrettîn Kiliç û Ayşe Surum (Ajansê Mezopotamya) bi xebera 'Cenaza 3 serran ra dima pê kargoyî erşawîyaye' û ajansê ma ra Medya Uren (Jinnews) bi xebera 'Ma xo resna mektubê Î.E. ya ke çawişê pisporî ci rê tecawuz kerdbi.

	 

	Xebera tirkî:  Erdogan Alayamut (Ajansê Mezopotamya) bi xebera '261 cenazayî kişta rayîrî de ameyî definkerdene û Ercument Akdenîz (Rojnameyê Evrensel) bi xebera 'Multecîyî erşawîyayî mergî'

	 

	Rojnamegerîya Cinîyan: Sîbel Yukler (Gazete Karinca) bi xebera 'Pêro Polîsan Emîne Bulut sûcdar kerde' û Dîleke Oncel (Ajansê Mezopotamya) bi xebera 'Mergo şikdar ê dadîya ke bîye şahîdê tecawuzê vera kênaya ci' xelatî girewtî.

	 

	Fotograf: Zeynepe Kuray bi fotofrafê 'Ablûqa' û Fatoşe Erdogan bi fotografê 'Fotografê Tirkîya'. Xelata taybete dîyaye fotografê 'Heskîfî' yê Seda Taşkin

	 

	Karîkatur: Beşîr Geroglu, Kiymete Guven.