'Hemverê karkerîyê domanan xebatêke bi tesîr çin a'  

2020-09-14 15:24:55


	 

	Şehrîban Abî

	 

	WAN - Tirkîya de hûmara domanê karkeran her ke şono zêde beno. Psîkolog Gulşen Kiliçarslane dîyar kerd ke bi xebata emrê qij de hêrişê cinsî zî aver berd û vat: "Dewlete na babete de xebatêke nêkena. Sebebê hêrişê cinsî û karkerî ê domanan, feqîrî yo."

	 

	Goreyê netîceyê ‘anketê hêzê karî yê domanan' yê serra 2019 ê Sazgehê Îstatîstîkê Tirkîya (TUÎK), Tirkîya de hûmara domanê ke mabêne emrê 5-17 de sey 16 mîlyon 457 hezar yenê texmînkerdene û hûmara ‘domanê karkerî’ 720 hezarî yo. Tirkîya de seba şer, feqîrî, koçberî û şîdetî domanî mexdurîyetêk pîl yeno ciwîyenê û seba nê zî feqîrî zêde beno. Domanî seba feqîrî mecbûr manenê bixebityê. Psîkolog Gulşen Kiliçarslane dîyar kerd ke domanî mecbûr xebate benê û hêrişê cinsî dir rî bi rî manenê.

	 

	'Wextê karkerîyê domanan yeno vatiş, termê domanan werte ra wirzeno'

	 

	Psîkolog Gulşen Kiliçarslane dîyar kerd ke wexto ke domanî qalê, domanê karkeran yeno kerdene, termê domanan zî werte ra wirzeno û vat: "Lazimîyê domanan ê sereyîn xida û seba emrê înan waştişê domanan o."

	 

	‘Domanî her tewir hêrişî dir rî bi rî manenê'

	 

	Gulşene dewam de wina vat: "Domanî gama ke karê tewir tewir kenê, xeylê kesî dir yenê rî bi rî. Her wext sîrkulasyonî de yê. Seba nê zî her tewir bi hêrişî dir rî bi rî yenê. Wareyêko domanan bipaeo, lazimîyê înan bi ca bîyaro çin o. Seba îdare û feqîrî bi zorê keyeyî domanî xebityenê. Domanî, rastê heqaret û qijvistişî yenê. Bi hêrişê cinsî dir rî bi rî manenê."

	 

	'Domanê ke bi şîdet û hêrişan dir rî bi rî manenê, benê kesê cîya'

	 

	Gulşene dewam de wina vat: "Ganî domanî, domanîya xo biciwîyê. Keye berpirsîyarîyêk pîl dano serê milê domanê 7-8 serreyan. Domanî nê karî bi waştişê xo nêkenê. Domanê ke xebityenê hetê psîkolojîk de problemê cidî ciwîyenê. Çîyê nêbaşan musenê. Domanê ke bi hêrişê cinsî dir rî bi rî manenê û şîdet vînenê zî ameyox de benê kesê cîya."

	 

	'Ganî vernîya feqîrî bêro girewtene'

	 

	Gulşene tewr peyîn vat ke ganî dewlete derheqê domanê ke xebityenê de polîtîkayê ke pawenê aver bera û nê polîtîkayê her het ra domanî bêrê fikrnayene. Gulşene vat, ganî rayîrê feqîrî bêro girewtene û komel bêro rêxistkerdene.