‘Wa ajan û çeteyî destê xo serê herra ma ra biancê’ 

2020-09-12 14:32:20


	 

	MEXMÛR - Dayîkê Wargeha Multecîyan ê Mexmûrî, ajanî ke serê ciwanan de yeno ferzkerdene qisey kerdî û vatî: "Bi zanebîyayîş kesê ke mîyanê komelê kurdî de yê ajanî înan rê yeno ferzkerdene. Wa ajanî û çeteyî destê xo serê herra ma ra biancê.”

	 

	Wargehê multecîyan ê Şehîd Rustem Cudîyî ( Mexmur) dayîkan bale ante serê ajanî û vatî: “Dewleta îşxalkerdox a tirkî seba ke zana aye nêeşkena şarê Kurdî bero, serê metodê lêşin yê sey ajanî kena mîyanê ciwanan. Aye çi metod bixebitno zî xoverdayîş û têkoşînê şarê Kurdî do heta serkewtişî dewam bikero.”

	 

	‘Ajanî mekerê’

	 

	Emîna Xirbgêbestîye bale ante serê ajanî û vat: “Ez bi zerrî û can xoverdayîşê Heftanînî silam kena, temamê ciwanê Kurdistanî rê slam û heskerdişê xo erşawena, serkewtiş temamê şarê xo ra wazena. Wa kurdî yewbînan nêkişê. Hukmatê Başûr do heta key mîyanê xo de nê ajan bihewêno û bikero vernîya leşkerê dewleta tirkî, seba ke wayê û birayê xo yê herra Kurdistanî pawenê, bidê kiştiş. Seba dişminî tu ferqê kiştişê kurdan ê bînan çin o. Wa pêro pî û dayîkî hay domananê xo ra bibê û nêverdê ke wayê û birayê xo bidê kiştiş.”

	 

	‘Êdî bes o ajanî û çetebîyayîş rê’ 

	 

	Şehristan Durmaze zî serê ajanî ke bizanabîyayîş kenê ercnayîşê xo kerd û vat: “Ez despêk de silam û heskerdişê xo tîya ra heta Îmralî, temamê xoverdayoxê zîndana û şarê ma yê ke vera zulm û îşxalkerdişî xo ver danê erşawena û serkewtiş wazena. Ma veng danê ke kesê ke bîyê çete, ajan wa bêrê serê rayîrê rastî û seba azadîya şarê xo têkoşîn bikerê û wa fek îxanet ra vera bidê. Ma vanê bes o no rayîro raşt nîyo. Ajanî danê vernîya hêzê dewleta tirkî û şonê domananê ma, embazanê ma qetil kenê. Bes o ajanî, bes o çeteyî, bes o. Wa destê xo gonîya domananê ma ra û serê herra ma ra biancê. Ez dayîk a. Sey cinîyêka kurd e êdî sebra mi nêmenda. Wa ajan û çeteyî destê xo serê herra ma ra biancê.”