
‘Kesê ke gumanbaran pawenê gumanbar ê’ 

2020-09-09 14:29:35


	&nbsp;

	Melîke Aydin

	&nbsp;

	ÎZMÎR - Cinîyê Îzmîrijî reaksîyon vera serbestveradayîşê Mûsa Orhanî dayî û vatî: "Kesê ke gumanbaran pawenê, bi xo zî gumanbar ê. La ma do têkoşînê xo hemverê bêcezaverdayîşî dewam bikerê.”

	&nbsp;

	Îpek Era ke Êlih de bi tecawuzê çawîşo pispor Mûsa Orhanî reyde rî bi rî mendebî, dimayê hedîse întîxar kerdib û dinyaya xo bedilnabî. Musa Orhan, serê reaksîyonê 19ê tebaxe de amebi tepiştene û 25ê tebaxe de ame veradayene. Dima ra her het ra reaksîyon ame ramojnayene. Cinîyan reaksîyonê bi şîdet ramojnayî û vatî, Musa Orhan yeno pawitene. Îzmîr de cinîyê ke mîyanê têkoşîn de ca gênê, polîtîkayê bêcezaverdayîşî ercnayî.

	&nbsp;

	‘Ma têkoşînê xo dewam kenê’&nbsp;

	&nbsp;

	Hemsereka Komeleya Elewîyan a Demokratîkî (DAD) Îzmîrî Nebahat Çelîke vat, tecawuz û tacîzê ke hetê leşker û polîsan ra yenê kerdene, reya ewil nêameyo ciwîyayîş û vat: “Mûsa Orhan serê reaksîyonan de ame tepiştene. Mektubê Îpeke de vatişê, Mûsa Orhan ke ‘çîyêk bi mi nîno’ ca gêno. Vano ke ‘mi verê zî wina kerdo.’ Cinîyê Kurd û Elewî seba heqê xo têkoşîn kenê. Amancê înan cinîyan bêveng bikerê. La ma her wext têkoşîn kenê.”

	&nbsp;

	‘Her ke bêcezabîyayîş zêde beno, şîdet zî meşrû beno’

	&nbsp;

	Aktîvîsta Paştdayîşê Morî Buşra Yeşîlbaşe zî dîyar kerd her ke bêcezabîyayîş zêde beno şîdet zî zêde beno û vat: “ Çapemenî û hukmo serdest yê camêrdan gumanbaran paweno. Ma demê peyîn de no reyke bîn zî dî. Dewlete seba camêrdan bipawo pakêtan vejena û tecawizkerdoxan vera dana. Cinîyê ke xopawitiş kenê zî bi muebet yenê cezakerdene. Eke Mûsa Orhan nêameyîne pawitene, Îpeke zî nêmerdêne. Sebebê şîdetê dewlete yê serê cinîyê kurdî, xoverdayîşê cinîyê kurdan ra yo. Cinî, bêveng nêmanenê, no çî yenê ciwîyayîş û pêro cinî yew zerrî têkoşîn kenê.”

	&nbsp;

	‘Yê ke gumanbaran pawenê zî gumanbar ê’

	&nbsp;

	Endama Genç Umut Pinar Usta ke unîversîta wanena zî reaksîyon vera bêcezaverdayîşî sûcê polîs û leşkeran da û vat: “Pêameyîşê Stenbolî her kesî hewêneno. Heme kesê ke gumanbar pawenê, ê bi xo zî gumanbar ê. Ma vanê ke heme sazgeh û kesê ke gumanbaran pawenê, ê bixo gumanbar ê. Heta ke Mûsa Orhan nêro tepiştene do hêrsê ma zî qetî nêko.”

	&nbsp;